Covalima (RCCT) 22-01-2024---Alfandega hanesan instituisaun estadu ida ne’ebe hala’o knar iha lina fronteira trestre, portu no Aero portu durante la bandu sidadaun ida atu sosa motorizada ka kareta husi nasaun vizhino hanesan iha Atambua, Indonezia, maibe tenki hatama mai timor leste liu husi dalan legal atu nune’e bele kontribui reseitas ba konfre estadu.
Diretor Servisu Alfandega Munisipiu Covalima, Nuno Nogueira, ba jornalista sira iha nia knar fatin hatete ba sidadaun sira, liliu iha Munisipiu Covalima, Ainaro no Manufahi hakarak atu ba sosa moto iha Malaka, Atambua bele maibe tenke liu husi dalan legal maibe tenki selu taxa pursetu lima ba estadu.
“Hau nia mensajem ba komunidade sira liliu iha Munisipiu Covalima, parte area Same no Ainaro katak Alfandega la bandu ema ka sidadadun ida atu ba sosa motorizada iha rai sorin Malaka, Atambua, Indonezia ne’eba hodi haruka mai, hanesan ohin hau mensiona katak karik ita boot sira ba sosa motor liu dalan legal deit selu taxa uitoan hetan legalidade husi diresaun transporte trestre ne’e lao livre maibe kuandu ita boot sira hakarak atu liu husi dalan ilegal ne’e sei hasoru prosesu ida ne’ebe naruk liu husi dalan justisa nian hanesan tribunal, tan ne’e maka ami husu liu husi dalan legal deit” nia husu ba sidaddaun sira.
Nia esplika konaba prosesu prosesu hatama motoriza no kareta nebe sosa iha Betun Malaka, no Atambua NTT mai timor leste ne'e persija deit karta deklarasaun exportasaun sasan nian no invoce (Kwuitansia).
“Kuandu ita boot sira atu sosa motor iha sorin ninia prosesu ne’e fasil hela, kuandu motorizada foun ita boot sira lori deit Pemberitahuan Export Barang (PEB) ho invoice lori ida ne’e deit, depois despaixu husi ita nia audoneru broker sira maka halo pedidu ba nasional hodi halo aprovasaun, kuandu ita selu taxa ona lori dokumetu sira ba iha Direasaun Transporte Trestre hodi hetan Surat validade STNK ho motor” nia dehan
Entartantu Diretor Servisu Alfandega Munisipiu Covalima, Nuno Nogueira, dehan iha tinan 2023 importasaun motor laiha maibe iha sidadaun balu hatama deit kareta fusu ida ho truk 4 liu husi dalan legal, maibe iha fali tinan 2022 sidadaun balu konsege hatama motorizada-8 liu husi dalan legal.
Jornalista Julio Salinas
