Covalima Kuarta 24-01-24-Segunda Feira (22/01) foin lalais ne’e estudante hamotuk na’in-20 husi eskola ne'ebé la hanesan obrigadu familia tenki lori ba Ospital Referal Suai hodi hetan tratamentu saude no baixa iha ospital refere tanba kauza husi konsumu pentolan ne'ebé ema fa’an iha areadores eskola no iha dalan ninin sira.
Tuir Familia Pasiente Angela da Costa konta kronolojia katak nia alin sosa pentolan no han hotu iha eskola, depois fila ba uma sente laran laran no halo muta inklui kabun laran moras.
“Alin ne’e konta nia han pentolan iha sira nia eskola Kafe Suai, depois de nia mai uma sente laran sae no muta fala hat no sente nia kabun laran sira moras hotu depois ida ne’e ami lori nia mai iha Ospital Referal Suai doutor sira halo atendimentu depois tau soru hotu, maibe nia sente kontinua oin halai, ne’ebe tuir kronolojia horseik (segunda) alin ne’e maka ho sintomas moras hanesan iha ema barak maka muta hanesan ne’e ho nia atensedente ne’e nia han hotu pentolan estudante barak loos mai husi eskola lahanesan no balu sira iha uma maka sosa pebntolan maka han, entau doutor sira iha suspeita dehan katak labarik sira ne’ebe mai ho sintomas moras hanesan ne’e maioria konsumu pentolan ho keracunan (veneno)” deklaran Familia Pasiente Angela da Costa ba jornalista sira iha Ospital Referal Suai, Tersa (23/01).
Pasiente ne’ebe baixa iha ospital suai tanba kauza husi depois konsumu Pentolan, Rosalia dos Santos Sampaio konta katak hafoin sai eskola nia parta sosa pentolan kesak ida no han hotu fila ba uma, liu kuaze oras ida mak foin sente laran sa’e, muta, oin hala’i maka foin familia lori mai iha ospital.
“Hau sai eskola hola tiha pentolan ne’ebe ema fa’an hau han hotu tiha hau fila ba uma han hotu tiha etu sae kama toba sente atu muta, depois atu muta hau hader mai hau muta fali iha kama leten hotu hau tun ba hemu bee no fo hatene hau nia bin muta hela deit maka foin lori hau mai ospital” Pasiente Rosalia konta.
Mediku Guarda Emerjensia Ospital Referal Suai, Aleixo da Costa Pereirra, Fundamenta estudante kuaze na’in-20 tama iha ospital referal Covalima tanba kauza husi konsumu pentolan ne'ebé ema fa’an iha eskola no iha dalan bainhira labarik sira fila husi eskola ba uma sosa han tuir dalan.
“Bazeia ba kronolojia ita hetan horseik iha ita nia amnesia ho interogatoriu antes ita konsulta pasiente ida no maioria pasiente sira ne’ebe aprezenta mai sintomas sira ne’ebe hanesan barak liu maka muta, kabun laran moras no oin halai bainhira muta maka’as, depois ida ne’e bainhira ita halo interogatoriu klean liu tan kauza ka fatores sira ne’ebe afeta ba sintomas sira ne’e mak maioria refere katak bainhira depois han pentolan ne’ebe dehan balun sira konsumu iha dalan no balu konsumu iha eskola, total sira ne’ebe sai vvitima ba konsumu pentolan ne’e iha ema na’in-20 inklui adolsente na’in-3 maioria idade pediatria, kondisaun di’ak maioria alta ona sei falta na’in-3 maka baixa no ita halo observasaun klean liu tan iha sala internamentu ida maka kopera no fila ona, pasiente sira ne’e maioria estudante husi eskola ne’ebe la hanesan, estudante balu mai husi eskola Kafe, Eskola We’e Matan (Mata Air), no Eskola SDK Ave Maria Debos” nia dehan.
Entertantu pasiente sira ne'ebé baixa iha Ospital Referal Suai maioria husi estudante sira hotu ne'ebé eskola iha Suai, engkuantu Estudante sira ne’ebe baixa tanba kaxu husi han pentolan ne’e maioria maka alta ona sei hela pasiente na’in-2 maka seidauk alta.
Jornalista : Julio Salinas
Editor : Chamot Nahac
