𝐏𝐑𝐎𝐉𝐄𝐓𝐔 𝐄𝐒𝐓𝐔𝐃𝐔 𝐒𝐄𝐃𝐋 𝟐𝟎𝟐𝟒 𝐒𝐄𝐈 𝐇𝐀𝐇𝐔 𝐈𝐇𝐀 𝐅𝐔𝐋𝐀𝐍 𝐌𝐀𝐑𝐒𝐔 𝐍𝐈𝐀 𝐋𝐀𝐑𝐀𝐍

Imajen: SEDL Sorumutu ho Autoridade Munisipiu Covalima  : Foto Media SEDL

Covalima (RCCT) 09-03-24-Sexta ne’e hale’u tuku 2 loro kraik oras timor leste, Sekretariu Estadu Dezenvolvimentu Lokal (SEDL) Mateus dos Santos Tallo, hala’o sorumutu alargada ho Prezidente Autoridade Munisipiu (PAM) Covalima, Miguel Armada Cadoso, no Sekeretariu Autoridade Munisipal Na’in 3, Diretór Servisu Munisipal sira, inklui Administrador Postu Administrativu na’in 7, Ekipa Serbisu hus Planu Nasional Dezenvolvimentu Suku (PNDS) Covalima no Programa Dezenvolvimentu Integradu Munisipal (PDIM) , ko’alia konaba projetu Estadu SEDL 2024 ne’ebe sei hahu iha fulan marsu nia laran.

RCCT Sita husi Publikasaun iha Pagina Ofisial “Facebook” SEDL https://www.facebook.com/share/p/j9vz5cuRKXKrboEQ/?mibextid=qi2Omg katak Durante enkontru Membru Governu da Sia, Mateus dos Santos Tallo, informa konaba, SEDL sei lansa Projetu Estudu SEDL 2024 iha Dili. Hafoin Ekipa Enumerador sei tun ba Munisipiu 13, atu hahu avaliasaun ba rekursus, kapasidade, pontensialidade, no problema sira ne'ebé mak Autoridade Munisipiu no Autoridade Suku infrenta.

“SEDL sei avalia kapasidade no rekursu hotu hotu ne'ebé disponivel iha Munisipiu to’o nivel Suku sira. Identifika potensialidade iha Munisipiu ida idak, inklui identifika no analiza prioridade dezenvolvimentu iha suku sira.” SEDL Mateus dos Santos Talo Esplika iha enkontru ho PAM Covalima no estrutura sira iha Salaun Administrasaun Munisipiu Covalima, Sexta (08/03).

Governante ne’e fundamenta, SEDL sei servisu hamutuk ho Diresaun Jeral Desentralizasaun Govenu Lokal (DGDGL-MAE), no mos Diresaun Nasional Apoiu Suku (DNAS-MAE) nian.

"Peskiza ida ne’e sei sai hanesan Servisu bo’ot ida ba Munisipiu no husi rezultadu peskija ida ne’e sei halo revizaun ba planu estratejiku desemvolvimentu Munisipal," Tenik SEDL.

Iha enkontru ne’e SEDL Mateus dos Santos Talo, entrega Livru Lista Projetu PNDS 2023-2024 nian ne'ebé mak implementa dadauk ona iha terenu ba Prezidente Autoridade Munisipiu Covalima no Administrador Postu Administrativu 7, sai nudar buakae ba Autoridade Lokal sira hodi fasilita halo monitorizasaun no avaliasaun ba progresu husi projetu PNDS nian iha terenu.

Reportazen RCCT