PAM Covalima, mos dehan, sei konvoka reuniaun ho Komandante PNTL Covalima no serkretariu Munisipiu na’in tolu nune’e bele difini ona planu hodi halo sosializasaun ba komunidade sira.
“Ha’u ho komandante munisipiu hanoin ona no diskute ona ho sekretariu munisipal na’in-3 oin nusa hodi hare mos movimentu animal nian, maibe antes ida ne’e ami sei iha sosializasaun ida desimina informasaun ba komunidade sira depois maka ita bele halo operasaun ba animal, atu nune’e animal sira ne’e la bele atrapalla iha estrada no fatin publiku sira.” dehan PAM Miguel Armada Cardoso, ba jornalista sira iha ambitu selebrasaun restaurasaun Independensia 20 de Maiu 2024 ba dala XXII iha Kampu Ladi Kamanasa.
Objetivu halo sosializasaun konaba dekretu numeru 33/2008 ba komunidade sira atu bele hatene no iha konsiensian hodi labele husik livre animal iha fatin publiku no mos fo hatene antes ba komunidade sira molok ekipa tunba terenu hodi halo operasaun ba komunidade nia animal ne’ebe sei husik livre hodi desturbu ba movimentasaun ema no transporte iha estrada publiku no mos hafoer ambiente iha komunidade nia hela fatin rasik iha suku no aldeia.
Jornalista : Julio Salinas
Editor : Chamot Nahac
