Natar Na’in Agustinho Lopes hateten dadaun ne’e be nakonu no resin iha sira nia natar laran tanba impaktu husi be dalan klot.
"Tanba be ne’e mosu mai iha salore, iha mota lakaleik be sira ne’e tun husi foho mai ne’e nalihun iha ne’e tanba be ninia sai fatin mak laiha, tanba nia sai fatin ne’e ki'ik liu depois nia la sai nia fo impaktu ba ami nia hare sira ne’e mate hotu, ami laiha harapan ona tanba hare sia ne dodol hotu" informa Natar na’in Agustinho.
Natar na’in ne’e husu ba autridade kompotenti atu normaliza be dalan, nune’e bele suli norma hodi la hamete nis nia hare iha natar laran ne'ebé foin mak kuda.
"Ami nia hakarak ne'e emi tenki halo irigasaun bo’ot ida para ami ne’e bele livre lae ami ne’e tinan lima tenke hemu deit, be nune'e ami nia hare ne’e kuda uluk mos be estraga kuda ikus mos be estraga, ami iha ne’e hamutuk hare hektares 41 ne’e mak ami iha tinan 5 laran ne’e ami sempre akontese hanesan ne’e bebik dala ruma ami nia hare fulin sai tia mota tama tan estraga hotu ami husu ba bo’ot sira bele halo irigasaun bo’ot ida ba ami" tenik nia.
Enkuantu to’o nutisia ne’e hatun jornalista RCCT seidauk ba halo konfirma ho Diretór agrikultor relasiona ho komunidade suai loro nia hare kuaze hektar 41 hetan estraga ne’e.
Jornalista : Moichung
Editor : Chamot Nahac
