Kordenador tekniku Unidade
lisensamentu Ambiental Gabriel Rosario de Sousa
hateten worksop ne’e atu fo kuñesimentu di’ak liu ba kompaiña ou porponemte
projeitu sira atu hatene konaba lei baze ambiental hodi hetan lisensa nune’e bele
fasilita sira hala’o sevisu.
“Ami husi Autoridade Nacional
de Lisensiamentu Ambiental atu mai fahe informasaun konaba oinsa lala’ok konaba
kompaiña ka proponente ba prozeitu sira ka prozeitu Guvernu ka projeitu privadu
wainhira sira atu hetan lisensa karik sira antes atu hetan lisensa sira mai
foti kriteiria ka lala’ok oinsa mak sira atu trata lisensa ida ne’e mak nia
objetivu nune’e wainhira kuandu sira hahu prozeitu ne’e entaun sira hatene ona
konaba jestaun, konaba deklarasaun impaktu Ambiental, sira hatene ona katak ida
ne’e ita atu hala’o mais iha risku entaun kuidadu nune’e projeitu ne’ebé hala’o
iha fatin refere bele la’o ho di’ak” Kordenador tekniku Unidade
lisensamentu Ambiental Gabriel Rosario de Sousa
hateten.
Reprezentante Prezidente
Autoridade Munisipiu Covalima, atual Diretóra Servisu Munisipal Jestaun Merkado
no Turismu, Treza Pires, komunidade hotu iha responsavel atu garantia ambiente saudavel,
tan ne’e nia husi ba partisipante sira iha workshop ne’e atu kontinua ha;o
divilgasaun hodi habele liu tan ba komunidade tomak iha sira ida idak nia hela
fatin.
“Agradese tebes husi ekipa ANLA,IP bele fahe informasaun ba ita no
espera katak ita aproveita tempu di’ak ne’e no ita bele fahe fali ba ita nia
komunidade sira ne’ebé mak ita hela besik, hakarak hatete ba ita katak ambienta
ne’e ita rasik mak kuidadu no proteze no ita labele husik buat ne’ebé mak ita
hare keta husik deit hanesan buat ida ne’ebé mak la folin.” Treza Pires, dehan.
Entretantu Workshop ne’e hala’o
iha salaun administrasaun Munisipiu Covalima, partisipasaun husi Autoridade
Lokal, Lider Komunitaria, Estudante Esinu Sekundaria, No estudante ensinu
superior, Emprezariu publiku no privadu lokal, nasional no internasional sira ne’ebé
maka durante ne’e hala’o atividade negosiu iha Covalima.
Jornalista:Moichung
Editor :Chamot Nahac
