.png)
Prezidente
Autoridade Munisipiu Covalima dehan lia ne’e relasiona ho informsaun real
konaba komunidade barak maka fa’an ona rai ba emprezariu nasional no lokal
sira, liliu iha area Suai-Loro.
“Ema
ruma mai husu imi nia rai atu sosa di’ak liu lalika fa’an, maibe fo aluga bele,
kuandu fa’an ona, kuitadu ha’u nia povu atu ba hela loos iha ne’ebe?, ida ne’e
iha ha’u nia mandatu ha’u sei la asina se bainhira ita bo’ot sira lori karta
ruma ba dehan atu asina konaba fa’an rai, imi bele hirus ha’u, maibe atu ba
di’ak ne’e maka hau ko’alia, fatin k’loot ona iha Suku Suai-Loro ne’eba loloos
ne’e atu di’ak ona maibe rai hirak ne’ebé iha ne’e ha’u seidauk sa’e ba iha PAM
rai hirak ne’e barak maka fa’an ona, tan ne’e iha ha’u nia mandatu ha’u sei la
asina bainhira ita bo’ot sira konaba fa’an rai” Prezidente
Autoridade Munisipiu Covalima Miguel Armada Cardoso “Razão” hato’o lia hirak
ne’e iha nia diskursu iha abertura pagamentu bolsa da mãe kondisional ne’ebé
hala’o iha sede Suku Kamanasa, Segunda (29/07).
Nune’e mos Miguel
Armada Cardoso “Razão” Infroma nudar Autoridade Munisipiu iha Planu atu utiliza
rai produtivu sira ne’ebé abandona halo to’os komunal hodi fo servisu ba Joven
sira ne’ebé seidauk iha servisu.
“Ba joven sira ne’ebé idade atinje ona
tinan 35, ne’ebé maka laiha servisu, xefe suku sira tenke identifika,
administrador postu sira tenke identifika, tanba prezidente iha hanoin ida atu
fila rai sira ne’ebé durante ne’e abandona atu fo ba sira halo servisu, la’os atu
halimar, tenke servisu hodi hetan osan no hasa’e produsaun rai laran, ida ne’e
maka ita hakarak” dehan Prezidente Autoridade Munisipiu Covalima Miguel
Armada Cardoso “Razão”.
Tanba ne’e Prezidente
Autoridade Munisipiu Covalima Miguel Armada Cardoso “Razão” husu ba
administrador postu no xefe suku sira atu identifika joven sira ne’ebé seidauk
iha servisu, nune’e liu halo to’os bele hetan rendimentu rasik no kontribui ba
hasa’e produsaun rai laran hodi hamenus aihan importadu.
Jornalista : Julio Salinas
Editor :
Chamot Nahac
