Taroman hatete durante ne’e Suku
Tashilin nudar knu’uk konflitu entre joven sira no to’o ikus hamosu vitima ba komunidade.
“Iha Suku Tashilin ha’u nia
komunidade sira durante ne’e preokupa maka liliu konaba postu seguransa, Suai
laran ne’e ita hotu hatene problema iha Tashilin ne’e hanesan fatin risku ba
iha problema akontese beibeik, baku malu, oho malu ida ne’e maka ha’u nia ejiji
ba governu tau postu polisia iha Suku Tashilin, Offisial Polisia Suku (OPS) iha
maibe ba sira nia fatin atu hela ba maka laiha, bainhira ita ko’alia ka temi
OPS sira hela iha Postu Administrativu ne’ebé bainhira iha problema mosu ita
telefoni dala ruma iha kalan bo’ot sira labele to’o iha fatin akontese refere,
depois sira labele hela permanente ba hanesan vizita de’it tan sira nia fatin
iha suku laiha sira hotu ba hela iha postu, iha Suku Tashilin fatin ba OPS sira
atu hela ba ne’e iha maibe kondisaun maka ladi’ak tanba didin deit ho bebak no
mos fatin la dignu, bee mos araska, fatin ami oferese duni iha sede suku antigu
nian ne’e maibe bebeak sira ne’ebé uza ba didin ne’e atu monu hotu ona”
dehan Xefe Suku Tashilin Jacob Alves
kodiku Taroman ba jornalista sira iha nia knaar fatin, Tashilin Sesta (26/07).
Xefe Suku Tashilin Jacob Alves
kodigu Taroman relata konaba fatin ka rai atu hari postu seguransa ba OPS iha
ona, nune’e nia husu ba governu atu tau planu hari fasilidade seguransa hodi
garantia siguransa ba komunidade.
“Atu hari postu seguransa
ba OPS ne’e fatin iha ona, ha’u rasik mos halo proposta ba komandante PNTL
munisipiu konaba uma OPS nian ne’e, fatin laiha problema tanba ami liu husi tur
hamutuk maka deside rai atu uza hodi hari postu seguransa ne’e, ha’u nia xefe
aldeia na’in-4, lia na’in inklui konsellu suku tomak tur hamotuk hodi deside
fatin ne’e, ne’ebé fatin ne’e klaru loos ona” nia dehan.
Enkuantu razaun Xefe Suku
Tashilin Jacob Alves kodigu Taroman ejiji atu hari postu seguransa permanente
ida iha Tashilin ho razaun hakarak evita konflitu ne’ebé durante ne’e sempre
mosu bebeik iha suku laran halo komunidade moris la hakmatek.
Jornalista : Julio Salinas
Editor : Chamot Nahac
