ADUANERU TL KAPASITA FORMASAUN BA FUNSIONARIU SIRA IHA FRONTEIRA KONABA KONTROLU KARETA TAMA NO SAI UZA SISTEMA

Covalima (RCCT)-06-08-24-Governu liu Autoridade Aduaneiru (AA) Timor-Leste kontinua kapasita funsionariu Adoaneru no Diresaun Nasional Transporte no Trestre (DNTT) ne’ebé destakadu iha fronteira trestre postu integradu Salele, Covalima, konaba utiliza sistema eletroniku hodi kontrola transporte hanesan kareta no motoridade tama no sai liu husi liña fronteira.

Kordenador InformatiKa Autoridade Aduaneru, Jeca Amaral, dehan sosializa informasaun ba stake holder sira ne’e foku ba prosesu Inbound no Outbound hodi automatiza Sistema kontrolu ba transporte ne’ebe tama  no sai liu husi fronteira Salele.

"Ohin ami halo sosializasaun konaba prosesu Inbound no Outbound nia objetivu hanesan ohin ami esplika katak ami prosesu halo automatiza sistema kontrola ba kareta sira ne’ebé husi Indonezia tama mai Timor-Leste, depois husi Timor mos halo viazem ba Indonezia, tanba ne’e maka ami sei falo formasaun ba instituisaun rua hanesan DNTT ho Alfandega rasik, durante loron tolu  ne’e iha loron rua nia laran ami sei halo formasaun tama ba loron tolu ami sei halo on-spot oinsa sistema ne’e la’o, ne’ebé maka kolega sira husi instituisaun DNTT ho Alfandega sei uza on-spot atu nune’e sistema ne’e bele la’o di'ak hodi fasilita kareta sira ne’ebé husi Indonezia no Timor bele halo sira viazem, atu nune’e ami bele hetan informasaun rai iha sistema" dehan kordenador InformatiKa Autoridade Adoaneru, Jeca Amaral,ba jornalista sira hafoin realiza sosializa informasaun ba stake holder sira iha Postu Integradu Salele, Tersa (06/08).

Diretór Alfandega Munisípiu Covalima Nuno Noguiera, hatete formasaun ida ne'e importante ba funsionariu Alfandega no DNTT ne’ebé hala'o k’nar iha liña fronteira atu hafasil sira nia seirvisu kontrolamentu ba kareta no Motorizada ne’ebé tama no sai.

"Formasaun sensibilizasaun ne’e la'os autoriza ba Alfandega de'it maibe ba mos maluk sira husi DNTT, formasaun ohin ne’e ko'alia liu konaba oinsa atu halo kontrolu ba kareta no motor sira ne’ebé tama no sai, ne’ebé ninia prosesu lisensamentu autorizasaun liu husi sistema hotu, ida seluk konaba pagamentu eletroniku ne’ebé atu implementa iha Covalima, tanba ne’e maka asuntu rua refere importante ba ita nia funsionariu sira husi Alfandega no DNTT ohin tuir formasaun refere, durante loron rua nia laran formasaun deit mai tama loron datoluk ikus nia halo kedas pratika iha terenu oinsa ba implementasaun sira ne’e, IP ne’e nia objetivu maka atu halo pagamentu bainhira deit no iha parte ne’ebé de'it ezemplu hanesan maluk sira husu aduaneru halo rejista ba dokumentus importasaun nian no labele halo pagamentu manual maibe nia bele halo pagamentu eletroniku konta bankaria P24 ka kartaun ATM BNCTL nian sira bele halo pagamentu iha ne’ebé de'it, hanesan ita nia maluk broker sira rejistu ona na'in iha Dili ne’eba nia bele halo pagamentu iha Dili liu husi sistema no asesment ne’ebé halo ona ba sira" nia dehan.

Entertantu desiminasaun  hala'o husi Autoridade Aduaneru ba funsionariu inklui funsionariu DNTT ne’ebé kolokadu ona iha liña fronteira Salele. Engkuantu formasaun Ida ne'e hala'o durante loron tolu hahu Tersa feira ohin no sei remata iha kinta feira semana.

Jornalista  :  Julio Salinas

Editor         :  Chamot Nahac