.png)
Diretor Alfandega Munisípiu Covalima Nuno Noguiera, relata reseitas
ne’ebé Alfandega rekolla mai husi taxa venda ne’ebé sidadaun Indonezia hatama produtu
mai Munisipiu Covalima liu husi postu integradu Salele.
“Husi fulan Janeiru to’o mai agora ne’e ita
atinje ona orsamentu ho montante $151,428.02, taxa bo’ot metade husi tinan ida
ne’e iha fulan 6 nia laran, ne’ebé optimista katak ba oin ita sei rekolla hodi
atinje taxa ne’ebé bo’ot liu tan” dehan Diretór Alfandega Munisípiu Covalima Nuno Noguiera, ba
jornalista sira iha nia knaar fatin Postu Integradu Salele, Tersa (06/08)
Nuno Noguiera, haktuir taxa sira ne’ebé rekolla iha fronteira
Salele maioria liu husi taxa venda, importasaun no taxa excise, no sasan sira ne’ebé
tama mai husi Atambua, Indonezia mai Covalima maioria barak liu material
konstrusaun.
“Taxa normalmente daudauk ne’e ita iha taxa
venda, taxa importasaun no taxa excise husi taxa tolu ne’e maka ita kobra, no
sasan sira ne’ebé tama mai normalmente ne’e material kontrusaun, maibe ba sasan
mobiliariu ne’e depende ba ema nia nesesidade presija maka foin sira lori tama
mai, maibe kada loron ne’e material konstrusaun maka barak liu ho sembako” nia dehan.
Tuir Diretor Alfandega Munisípiu Covalima Nuno Noguiera, hatete ba
daudaun ne’e taxa exportasaun husi rai laran ba iha rai liur laiha maibe so iha
de’it tasa importasaun ne’ebé sidadaun Indonezia maka hatama sira nia produtu
mai iha Timor-Leste espesial iha Munisipiu Covalima, maibe kuandu nasaun
Timor-Leste atu la’o di’ak, dezenvolvimentu la’o di’ak ne’e presija
kontribuisaun husi Timor oan sira ne’ebé iha kapasidade ba atividade negosiu
nian tenke halo exportasaun barak ba iha nasaun seluk nune’e hodi bele hatama
osan barak mai Timor-Leste.
Jornalista : Julio
Salinas
Editor : Chamot Nahac
