Diretor CSSM Covalima Agapito
Assis Cardoso, hatete responsabilidade governu liu husi Ministeriu Solidaridade
Sosial no Inkluzaun hamotuk ho parseiru sira atu identifika familia no ema ho
difisiensia sira ne’ebé infrenta situasaun difisil liu liu konaba ai-han nune’e
bele responde hodi fo apoiu ai-han.
“Ohin ita mai hatan ba
situasaun ne’ebé ita nia maluk sira infrenta, sasan sira ne’ebé lori ai-han no
buat sira seluk tan ida ne’e maka MSSI nia responsabilidade fo domin ba maluk
sira difisiensia hatene katak iha situasaun ida ne’ebé defisil tebes, ita bo’ot
sira dala ruma labele asesu ba ai-han tanba problema uma laran, ekonomia uma
laran, maibe governu la husik, situasaun ne’ebé ita infrenta esforsu MSSI
nafatin ajuda hatan ba situasaun sira ne’e, ohin ami mai hamutuk ho autoridade
nivel postu, suku no aldeia no parseiru sira ohin ita hamutuk iha ne’e ami mai
lori netik ai-han para bele hatan ba situasaun ne’ebé ita infrenta labark,
uitoan maibe esforsu sira nafatin hodi haree ba situasaun no nesesidade sira ne’ebé
ba oin nesesita tebes nafatin apoiu” informa Diretor CSSM Covalima
Agapito Assis Cardoso.
Administrador Postu
Administrativu Maukatar, Laurentino de Jesus, husu atu ema hotu respeitu no
konsidera ema ho difisiensia nia diretu hodi labele halo diskriminasaun ba
sira.
“Estadu tau ona orsamentu
ba imi, imi mos hanesan ami, ami mos hanesan imi maka labele uza lia fuan ida
ladi’ak hodi hasoru maluk sira difisiensia, tanba sa maka estadu tau ida ne’e
importante hari sosiedade sivil lubuk ida hodi tau matan ba imi inklui ha’u mos
oan ba imi la halo diskriminasaun, maibe ohin iha Belekasak sinal pozitivu
tebes hatudu katak imi hetan duni ajuda husi estadu ida ne’e la to’o ba imi,
maibe hodi hatutan imi nia moris iha loron ida ka rua nian, tanba sa maka
estadu tau importansia tanba imi nia direitu tomak, dever tomak imi hato’o ona
liu husi eleisaun bainhira imi atinji ona idade 17 anos ba leten iha diretu
tomak atu ba vota hodi hili se maka atu kaer ukun ka governu, tanba ne’e maka
husi governu ida troka ba governu seluk mai to’o iha nonu govermu kontinua fo
apoiu nafatin ba maluk sira ho difisiensia” dehan APA Maukatar.
Pontu Fokal Raes Hadomi Timor Oan
(RHTO) Munisipiu Covalima, Rosito Amaral, agradese ba governu liu husi CSSM ne’ebé
ajuda ona ema difisiensia iha Suku Belekasak tuir kbiit ne’ebé iha.
“Nesesidade ne’ebé husi
MSSI liu husi CSSM ne’ebé apoiu nesesidade mai maluk sira iha suku Belekasak
ne’e tuir kbiit estadu iha, ne’ebé atu barak ka uitoan ita nafatin agradese atu
nune’e bele sustenta ita bo’ot sira iha loron ida ka rua nian” nia
haktuir.
Atividade apoiu nesidade (ai-han)
ba ema ho difisiensia 53 ne’e hala’o iha sede Suku Belekasak Postu
Administrativu Maukatar, Apoiu ne’ebe fo ba EhD sira ne’e mak hanesan; fos
saku ida ho kilo grama 25, susu enak
kalen 4, sardina lata-4, fore munggu, inklui mina tein no biti kada difisiensia
ida.
Jornalista : Julio Salinas
Editor : Chamot Nahac
