Diretóra Servisu Munsipal
Edukasaun Covalima, Elda de Fatima hatete sertame ne’e hanesan sasukat hodi
bele hatene kapasidade estudante sira nain iha kada eskola.
“Sertame ida ne’e
realiza ba eskola ensinu baziku sira
liliu iha Postu Administrativu Suai, iha eskola 8 tuir kompetisaun sertame ida
ne’e no sertame ida ne’e hanesan sasukat ida ba kada eskola ita hodi hatene
labarik sira nia kapasidade no mos hodi festeza ba 30 fulan Agusto loron
konsulta popular nian, no mos ita atu promove estudante sira ba sira nia konesimentu,
haklean liu tan sira nia kapasidade hodi konyinuasaun ba oin” dehan
Diretóra Servisu Munsipal Edukasaun Covalima, Elda de Fatima ba jornalista
hafoin akompana ka observa direita ba atividade sertame ne’ebe hala’o iha
Salaun Administrasaun Munisipiu Covalima Kinta (29.08).
Observador husi Eskola Ensino
Baziku Sentral Ladi, Bruno Yohanes Bere, hatete ho atividade sertame ne’e bele
kadi estudante sira nia matenek, maibe nia parte hanesan observador ladun
satisfas ho komisaun organizadora ne’ebé hato’o informasaun klaru ba eskola
sira.
“Ha’u sente iha parte ida
di’ak tanba ita hodi komemora loron konsultasaun popular ne’e ami aseita di’ak,
maibe buat balu hasoru faillansu tanba komisaun la hato’o informasaun ba ami
eskola ho di’ak hanesan primeiru sira dehan foti de’it materia istoria de’it ba
iha sertame ida ne’e maibe realidade ami hasoru iha laran sira foti ho materia
siensia, lingua tetum no lingua portuguesa parte ida ne’e failansu ba ami nia
preparasaun tanba ami nia preparasaun maka istoria de’it, ba preparasaun ami
nia haree di’ak maibe sira nia regras balu la kontente liliu iha parte lansada
nian, tanba iha lansada ne’e sira fo direitur de’it ba grupu ida no grupu tuir
mai de’it maibe ba grupu seluk sira la fo, loloos ne’e grupu hira maka tuir
kompetisaun ne’e tenke tuir hotu, maibe sira halo limitasaun ba lansada ne’e,
hato’o mos ba komisaun karik ba futuru sei akontese tan atividade sira hensan
ne’e se bele hato’o informasaun ne’e em carta labele em verbal tanba verbal
ne’e ohin seluk aban bele seluk” nia dehan.
Engkuantu sai manan na’in primeiru
iha sertame ne’e mak eskola Kalolika São Lusi Gonzaga, nune’e, Portavo, Lucia
Wei Xiao Ping, sente kontente hafoin reprezenta nia eskola hetan primeiru lugar iha atividade sertame ne’e, no nia rekomenda ba governu liliu ba
ministeriu edukasaun kada tinan atu komemora loron nasional ne’e tenke kontunia
nafatin hodi realiza sertame ba estudante sira.
“Ha’u sente kontente tebes
tanba foin primeiru ves hetan primeiru lugar, no sei esforsu an maka’as liu
tan, no se bele kada tinan realiza atividade hanesan ne’e atu nune’e ami
estudante atu bele kadi kakutak di’ak liu tan, no husu ba maluk estudante sira
ne’ebe ohin derota iha sertame ida ne’e labele lakon oportunidade maibe tenke
badinas nafatin no esforsu an nafatin tanba ita estudante sira ne’e otas sei
ki’ik tenke estuda hodi hetan esperensia barak liu tan” nia hatete.
Entretantu Manan na’in primeiru
ba Sertame ne’e husi eskola katolika São Luis Gonzaga ne’ebé manan ho valor
900, Segundu lugar husi Eskola Kafe Suai ho valor 700, no terseiru lugar husi
Eskola Baziku Sentral Suai-Loro ho valor 60, fundu ne’ebé hodi apoiu ba iha
atividade sertame ne’e mai husi Ministeriu Administrasaun Estatal ne’ebé koloka
ba Administrador Postu sira maka realiza atividades refere hodi komemora loron
konsulta popular ba dala XXV.
Jornalista : Julio Salinas
Editor : Chamot Nahac
