Sai
vensedor dahuluk iha modalidade futebol iha eventu ne’e mak FC Nova Estrela, nune’e
Prezidente Klubu, Palo Gusmão sente kontente no sei esforsu liu tan kopera
ho treinador klubu atu mentaliza jogador sira sai prontu liu tan bele kompete iha
evetu seluk.
“Ami sente orgullu tanba ami nia klubu ne’ebé maka
servisu hamutuk no kolabora hamutu durante treinu hamutuk hodi ami iha kompetisaun
ne’e bele hetan primeiru lugar maibe esforsu ami servisu hamutuk husu ba
treinador sira atu nafatin fo treinu ba jogador sira atu bele kompete iha tinan
oin, maibe ami iha ne’e konvidadus espesial liga Amahoro ninian ami hetan
vensedor primeiru lugar ami senti kontente Ami sei sevisu hamutuk fo treinu
nafatin ami nia jogador sira”
Palo espresa.
Xefe
Komisaun Organizadora, Jose Quintão Amaral, husu ba treinador sira nafatin treina
jogador sira atu bele kompete iha tinan oin mai hodi foti fali taxa rotativa ne’e
iha FC Nova estrela.
“Jogu ida ne’e taxa rotativu tinan ida akontese dala
ida iha postu administrativu Tilomar no tinan oin sei akontese tan ho jogu ida
hanesan ba U14 nafatin, ida lakon ne’e la’os opsaun lakon ne’e oportunidade sei
mai tanba liga ho taxa ida ne’e tanba tasa ne’e rotativu ita sei realiza fila
fali iha tinan oin nafatin trenu nafatin hadi’a ita bo’ot sira nia ablidade iha
estratejia joga ba iha area desportu ninian atu nune’e tinan oin nafatin kompete
ho numeru ida ne’ebé di’ak. Ekipa ne’ebé seidauk barak bele aumenta tan ekipa
atu nune tinan oin bele anima komunidade sira iha Postu ida ne’e” Xefe Komisaun Organizadora Jose Quintão Amaral
dehan.
Manan na’in Primeiru maka FC Nova Estrela husi
Holpilat Postu Administrativu Maukatar, FC Laloran husi Suku Maudemu hetan
Segundu Lugar no FC Wekasa husi Suku MAudemu hetan terseiru lugar. Engkuantu Ekipa
Mellor iha aventu desportivu ne’e mak FC INFAGO husi Suku Maudemu.
Entretantu Vollybol Feto FC HAMNASA husi Suku Maudemu
mak hetan Primeiru Lugar, Segundu Lugar mak FC Sato no Terseiru Lugar ma FC Wekasa
husi Suku Maudemu.
Jornalista:Moichung
Editor: Chamot Nahac
