HASA’E SEGURANSA ALIMENTAR NO HADI’A NUTRISAUN, CONSSAN-TL SOSIALIZA DEKRETU LEI NO, 9/2024 IHA COVALIMA
Diretór Ezekutivu
CONSSAN-TL, Comar Mendonça, hatete dekretu lei ne’e promulga husi Prezidente
Republika fo kompetensia ba CONSSAN-TL halo servisu kordenasaun ho ministeriu
relevante sira hodi hadi’a sistema nutrisaun iha Timor-Leste.
“Dekretu
lei ne’ebé promulga husi prezidente republika fo kompotensia ba CONSSAN-TL hodi
bele halo servisu kordenasaun ho ministeriu sira ne’ebe mak hanesan membru
definitivu ba iha CONSSAN-TL liliu Ministeriu Agrikultura Pekuaria Peska no
Floresta, Ministeriu Edukasaun, Ministeriu Obras Publika atu bele hasae
seguransa alimentar no hadi’a sistema nutrisaun iha Timor-Leste hanesan ita
hatene katak daudaun ne’e infrenta hela inseguransa ai-han no malnutrisaun
kroniku ne’ebe maka TL infrenta ho numeru ne’ebe as tebes, tantu ida ne’e papel
CONSSAN-TL atu bele servisu no kordena, monitoriza servisu teknku sira para
mellora di’ak liu tan dezenpenu sira nia servisu hodi bele kontribu ba hasa’e
seguransa alimentar no redus tasa malbutrisaun iha Timor-Leste tinan lima mai
ne’e” dehan Diretór Ezekutivu CONSSAN-TL, Comar
Mendonça, ba jornalista sira hafoin remata sosializa dekretu lei No, 09/2024 13
fevereiru ne’ebe hala’o iha Salaun enkontru Administrasaun Postu Administrativu
Suai.
Comar Mendonça,
haktuir CONSSAN-TL kontinua halo monitorizasaun no avaliasaun ba servisu
tekniku sira, no sujere ba ministeriu relevante atu preve osan ho adekuadu
nune’e bele responde ba situasaun sira ne’ebé mak TL infrenta liliu konaba
produsaun aihan.
“Ita
nafatin halo kordenasaun, monitorizasaun no avaliasaun ba servisu ministeriu
tekniku sira, husu ona ba kada ministeriu tenke tau orsamentu ne’ebe maka
adekuadu iha orsamentu jeral estadu para hodi bele responde ba situasaun ne’ebe
maka ohin loron ita hotu infrenta hela katak produsaun foos la sufsiente atu
bele fornese ba ita nia konsumidores sira no nafatin ita servisu para hodi bele
hasae produsaun no nafatin halo kordenasaun
para bele halo importasaun foos mai iha TL hodi bele distribui ba ita nia konsumidores sira ita hatene katak
ita nia konsumidor sira ninia alimentasun primeiro maka fos maibe la taka dalan
para atu bele diversifika hahan sira hanesn talas,fuhuk ropa,ai farina,fehuk
para bele suptitui fali fos tamba hahan sira hotu ne’ebe maka iha rai laran
kategoria karbohidrat ita bele han hahan sira ne’e para atu bele suptitui
fos,fo nafatin espasu ba ita nia to’os nai sira ita nia natar nain sira para
bele servisu makas liu tan para bele hasae produsaun sira ne’e, lor-loron ita
hatene katak ema hotu loron ida han dala tolu klaru ke ita tenkiser nafatin
servisu para bele hasae produsaun se ita
la hasae produsaun iha rai laran buat hotu ita inporta maka loron ida ita sei
sai hanesan pais laos pais produtor maibe pais inportador ba hahan hotu-hotu” tenik
nia.
Sekretariu
Munisipal Asunto Sosiais no Oranizasaun Komunitariu, Filomeno Cardoso, hatete
dekretu lei ida ne’ebé promulga husi Prezidente Republika no ne’e atu hodi
hametin no asegura ai-han iha TL.
“ita
nia inkontru ba sosializasaun konaba ita nia osan ter ne’ebe mai ho dekretu lei
No 9/2024 iha 13 de fevereiru iha ne’eba hakerek ona katak dekreta ona ita nia
konselu nasional seguransa soverania alimentar ho nutrisional ne’ebe hanaran
horsatel ida ne’e mai husi ita nia ministeriu relevante, reprezentante husi ita
nia tutela ona iha ita nia Vise Primeiru Ministru Asanami rasik mak kaer pasta
ida ne’e ohin loron ita hamutuk ho ita nia senhor Diretor Ezekutivu atu habelar informasaun konaba lalaok decretu
lei ne’ebe mak ohi hau temi ho nia kapitulu ho nia titulu ida ne’ebe oras ida
ita hotu-hotu tenki rona atu hametin no hakvit programa ida ne’e hodi asegura
ita nia servisu seguransa alimentar ho nutrisional ne’ebe mak dekreta ona”
Katak Filomeno.
Enkuantu Diretór
Ezekutivu CONSSAN-TL, Comar Mendonça, dehan produsaun fos la sufsiente atu bele
fornese ba komsumedor maka CONSSAN-TL nafatin halo kordena atu halo importasaun
foos mai iha TL no husu ba to’os na’in sira atu servisu maka’as liu tan hodi
hasa’e produsaun rai laran.
Jornalista : Julio Salinas
Editor :
Chamot Nahac
