.png)
Prezidente
Autoridade Protesaun Sivil (APC-sigla portugues), Jesuino dos Reis de Matos
Carvalho, hatete relasiona ho preokupasaun sira hasoru hanesan prezidente tun
direita oinsa atu haree kondisaun no fo nafatin motivasaun ba sira atu labele
lakon vontade servisu.
“Ne’e
maka ha’u mai ha’u hare rasik realidade katak durante tinan hirak liu ba kotuk
sira infrenta hela problema barak i ha’u hakarak foti hotu informasaun sira
ne’e para atu hare tok oin nusa ba oin ne’e
atu ( APC ) ne’e bele la’o ho di’ak liu tan realidade ita bo’ot sira
bele hare katak ami nia edifisiu ida
ne’ebe ke simples maibe atendimentu ida ke luar biasa ema dehan ke 24 horas
prontu atu atende, maibe ho fatin ida ne’ebé ke hanesan ne’e la sufisiente
entaun ami iha planu ona ba oin sira sei hetan fatin ne’ebé mak di’ak, trata
sira ho di’ak, tuir ha’u nia misaun ha’u nia hanoin katak ha’u sei trata sira,
atu sira servisu ho dia’k, hodi atende ba nesesidade ita nia povu tomak”
informa Prezidente Autoridade Protesaun
Sivil (APC-sigla portugues), Jesuino dos Reis de Matos Carvalho, ba
jornalista sira hafoin ho ekipa halo vizita mai Covalima hare direita kondisaun
ne’ebé korpu bombeiru Covalima hasoru.
Komandante Korpu Bombeiru
Covalima Noti de Jesus Alves, mos relata durante ne’e hasoru problema manutensaun
transporte (kareta) tarde inklui menus ekipamentu no mobiliariu.
“Relasiona
ho preokupasaun ne’ebé mak durante ne’e ami hetan hanesan kareta ba bombeiros
ne’ebé mak durante ne’e manutensaun tarde i mos ba fokal insendiu ka bee matan
ne’ebé mak durante ne’e bombeiros araska ba buka bee wainhira hetan insendiu
ruma, wainhira bombeiros atu ba rega hotu tia fila fali mai atu reabastese fali
ba kareta antaun bee la iha, antaun ho ida ne’e maka Prezidente Autoridade
Protesaun Sivil mai ho nia komitiva mai hare direita konaba sasan sira ne’ebé
mak ami persiza hanesan agora dadaun motor (sensor) sira ne’ebé ami ba tesi ai motor
sira ne’e mos at iha barak mak la dun uza motor hat maibe agora motor sira
ne’ebé iha deit rua mak fungsi rua la funsiona i hanesan mos ba ami nia
ekipamentus mobiliaris i Atk balu ne’ebé mak ami iha ne’e maibe menus liu se
karik administrativa ninian i depois ba fali servisu operasional nian mak
hanesan ohin ami persiza liu hanesan sira Nasional nia apoiu tamba durante ne’e
ami sempre halo salvamentu iha inundasaun ida ne’e hanesan dala ruma mos hanesan
akontese ba lafaek tata ema entaun ami
ba iha ne’eba, maibe durante ne’e ami so hetan formasaun bazika ne’ebé mak atu
fo sokoru deit, maibe ohin ne’e ho prezensa prezidente Atoridade ninian ne’e
sira mos iha planu atu fo formasaun i hatudu mos estabelese tan postu ida iha
fohorem atu aumenta tan pesoal balu iha ne’eba atu nune’e bele atinji bombeiros
ninia metas ne’ebé mak durante ne’e nia servisu iha baze”
Noti dehan.
Entertantu durante
Vizita Prezidente Autoridade Protesaun Sivil (APC-sigla portugues) Jesuino dos
Reis de Matos Carvalho, ho nia ekipa iha Covalima halo kedas enkontru ho
funsionariu APC Covalima no Korpu Bombeiru Covalima para bele hatene di’ak liu
tan problema ne’ebé durante sira hasoru iha baze, no objetivu ida liu husi
vizita ne’e hakarak reforsa estrutura iha nivel munisipiu.
Jornalista : Alfredo Barreto
Editor :
Chamot Nahac
