Iha deskursu, Vice Ministru
Infraestrutura Julio do Carmo tatoli lia hodi dehan, Povu Pregu na’in nia aten
brani maka hakotu okpupasaun Indonesia nian iha timor leste durante tinan ruan
ulu resin hat iha Timor Leste.
“ohin ha’u mai hamrik iha
ne’e lori nonu governu konstituisional ne’ebé lidera husi Sua Exce, Primeiru
Ministru, Maun bot KAY RALA XANANA GUSMÃO nia naran atu hato’o parabens ba povu
Maukatar tomak ho inan aman pregu na’in sira ne’ebé ho aten brani fo an ba mate
hodi hakat ba sentru votasaun iha loron 30 Agustus 1999 no vota ba ukun rasik
an .Ita bo’ot sira nia aten brani no sakrifisiu maka hakotu okupusan Indonesia
nian durante Tinan 24 nia laran iha ita nia rai ho pregu na’in timor oan sira
ne’ebé vota ba ukun rasik an maka Heroi
bo’ot ba loron istoriku ida ne’e inklui
ho inan aman sira hotu husi Suku hat Aldeia 22 iha Postu Administrative
Maukatar” Julio do Carmo Tatoli lia.
Gvernante ne’e husu ba povu maukatar
atu kontinua respeitu luta na’in no martir sira nia mate no ema hotu nia terus iha
prosesu ba liberta timor leste.
“Tamba ne’e mak ha’u husu
hanesan maukatar oan husu ita hotu atu nafatin respeitu malu ita nia inan aman
sira ne’ebé maka uluk sira luta sira lahatene hakerek no lee, sira nia matenek
la iha maibe sira nia aten brani hodi
halo funu duni bapak sai husi ita nia rai, maski la’os lori kilat, lori tudik, La’os
lori rama, ita hodi preg,u hodi besi kusa mais konsege ita duni bapak sai duni
iha ita nia rai,” tenik nia.
Vice Ministru Infraestrutura Julio do Carmo mos inform
aba povu maukatar konaba prosesu dezenvolvimentu iha Potu administrative maukatar
ne’ebé tempu badak sei konstrui no hadi’a Estrada hodi fiu alkaltraun iha
estraga ogues ligasaun to’o rotunda maukatar ne’ebe dadaun agora iha ona prosesu
tenderizasaun nia laran.
Jornalista : Alfredo Barreto
Editor : Chamot Nahac
