Lere kasu lia
hirak ne’e hafoin halo dialogu ho autoridade sira iha Covalima, ne’ebé ho tema
Jerasaun foun maka garante nasaun nia futuru iha salaun administrasaun
Munisipiu Covalima, Sexta (09/08).
“Iha
biban ida ne’e ha’u hakarak apela ba intelektuais Suai oan hotu liliu ba foinsa’e
sira muda mentalidade ida ne’e, mentalidade servi ita nia povu, servi ita nia
nasaun, juventude maka halo dezenvolvimentu nasaun nian, la’os juventude ida
sai fator determinante dezenvolvimentu nasaun ida nian, maibe sai fator prinsipal
atu hakoi nasaun, joven sira matenek barak ba estuda iha ema nia rain, hanesan
ba Indonezia, Australia, portugal ne’e hanesan naroman ida ba ita, hanesan
kalan karik rai nanuku ita lao lori lampra leno dalan ne’ebé maka fatuk, ne’ebé
maka ai, ne’ebé maka kuak no ne’ebé maka samea no ne’ebé maka samodok, mais
dalan la hanesan Australia oin seluk Timor oin seluk ita tradisaun la hanesan”
informa Lere ba autoridade sira iha Salaun Administrasaun Munisipiu Covalima.
Prezidente
Autoridade Munisipiu Covalima Miguel Armada Cardoso “Razão” relata situasaun
atual ba Asesor Prinsipal Prezidente Republika Jeneral Reformadu, Lere Anan
Timur katak situasaun iha Covalima kontroladu, no husu ba autoridade hotu oinsa
atu bele hakbesik no bolu joven sira ne’ebé involve iha grupu arte marsiais atu
bele fo hanoin bebeik nune’e sira labele la’o sala dalan hodi mete ba deit problema.
“Munisipiu
Covalima iha iha Postu Administrativu-7, suku-30, aldeia 148, defaktu total
populasaun iha ema, tantu feto no mane, iha rihun 63 resin, ita hatene katak
iha munisipiu hotu inklui Covalima iha fatin barak ita nia oan sira, ita nia
alin sira nakar uitoan liliu ita ko’alia konaba arte marsiais, liu husi
edukasaun ida ne’ebé naton, liu husi konsiensia ne’ebé sira iha la’o sei
hakmatek, tan ne’e iha fatin ida ne’e hakarak sujere ba aman atu hare kestaun
ida ne’e basa dala barak ita nia oan sira ne’ebé dala barak involve iha arte
marsiais dala ruma sira brutal uitoan tanba autoridade sira, lider komunitaria
sira no nai ulun sira seluk kuandu ita la hakbesik an ba sira buat ida karik
sira lao mesak, ita nia eduka dala barak seidauk to’o ba sira, ho tempu si’ak
ida ne’e hakarak sujere ba ita hotu atu haree kestaun ida ne’ebé seriu hodi
nune’e ita nia dezenvolvimentu iha munisipiu ba to’o nasional bele lao ho di’ak
no susesu” Razão
Relata.
Entertantu dialogu entre Asesor Prinsipal Prezidente
Republika Lere Anan Timur ho autoridade inklui igreja katolika ne’e hala’o iha
iha salaun Administrasaun Munisipiu Covalima, ho tema Jerasaun foun maka
garante nasaun nia futuru.
Jornalista : Julio Salinas
Editor : Chamot
Nahac
