Ministru Agrikultura Pekuaria
Peska no Floresta (MAPPF), Marcos da Cruz, ba jornalista sira hetete ohin mai
hamutuk ho autoridade, membru parlamentu no komunidade hodi koleta hare iha
fatin ida ne’e husi rezultadu ne’ebe natar na’in sira produs ona.
“Ohin ita mai koleta hare
hamutuk ho komunidade agrikultor, deputadu sira, mai koleta rezultadu husi servisu agrikultor sira
nian iha tinan ne’e hakarak mai atu atu rona preokupasaun husi agrikultor sira,
durante sira halo sira nia servisu ne’e iha difikuldade saida,” Marcos
Hateten tan Produsaun ne’e presija fator barak liliu ba iha irigasaun, trator
no mos konesimentu tekniku oinsa maka atu bele hala’o servisu sira ba natar
Prezidente Autoridade Munisipiu
Covalima, Miguel Armada Cardoso “Razão” haktuir ho prezensa ministru no membru
deputadu sira mai hamutuk ho komunidade
sente katak estadu iha duni ba sira.
“ natar hektare 189 ne’ebe
maka agora daudaun ninia rezultadu ohin loron ita hotu mai iha ne’e hodi koleita
“ nudar autoridade iha munisipiu hakarak sujere katak komunidade iha suku ida
ne’e de’it iha habitante 4000 resin ne’ebe moris ho vida agorikultor, tanba ne’e
sujere nafatin atu hadi’a irigasaun iha mota Tafara, tanba bee ida ne’e maka Agrikultor sira kanaliza ba natar ne’e mak ohin loron ita koleta ona ,no mos husi bee ida ne’e halai mos ba area
Tilomar parte Suku Kasabauk nian, tanba
komunidade iha Munisipiu Covalima moris ho vida agrikultura” PAM dehan.
Reprezenta Natar Na’in Hosi Suai-Loro, Feliz de Araujo husu ba
governu liliu ba iha Ministeriu Agrikultura Pekuaria Peska no Floresta (MAPPF),
atu apoiu trator no hadi’a irigasaun.
“Hau kontente ohon nai ulun
sira bele mai to’o ami nia fatin hodi koleta ona ami nia hare, iha biban ne’e
ami husu ba governu atu hadi’a irigasaun
no ajuda trator tanba tempu atu fila rai ami natar na’in sira sempre halerik ba
mai hodi buka trator atu hodi fila rai” Feliz de Araujo katak.
Agrikultor ne’e mos akresenta
katak parte agrikultura durante ne’e apoiu duni fini hare maibe iha grikultor
balu hetan no balu la hetan, no problema seluk maka natar na’in sira hasoru mak pesti sempre estraga hotu hare, tanba ai moruk laiha
atu hodi rega, problema hirak ne’e hato’o ba iha extensionista suku sira
bainhira sira mai haree liu de’it” nia hatete.
Enkuantu atividade koleta hare
ne’e hala’o iha Aldeia Loro, Suku Suai-Loro area We’e Boot, Postu
Administrativu Suai, atividade koleta hare ne’e hetan partisipasaun husi
Ministru Agrikultura Pekuaria Peska no Floresta (MAPPF), Marcos da Cruz,
Sekretariu Estadu Floresta, reprezentan Sejretariu Estadu Dezenvolvimentu
Lokal, membru deputadu sira, Prezidente Autoridade Munisipiu Covalima, Miguel
Armada Cardoso “Razão” funsionariu agrikultura tomak iha Covalima Administrador
Postu Administrativu Suai, xefe inklui komunidade agrikultor sira hotu iha Suku
Suai-Loro.
Jornalista : Julio Salinas
Editor : Chamot Nahac
