MSSI LIU HUSI DIRESAUN NASIONAL PESOAS PORTADOEAS DIFISIENSIA DESIMINA INFORMASAUN IHA ESKOLA SEKUNDARA TEKVOK AKARLARAN

Covalima (RCCT) 06-08-24-Ministeriu Solidaridade Sosial  no inkluzaun liu husi Diresaun Nasional Pesoas Portadoras Difisiensia, desimina informasaun iha eskola sekundaria teknika vokasional Akar laran hodi empodera estudante sira hola parte iha espesial olimpik no promove ema ho difisiensia hodi asegura inkluzaun sosial ba ema hotu.

Diretór Nasional Pessoas Portadora Difisiensia, Domingos Hendriques Maia, informa foinsa’e no estudante sira nudar fonte importante atu transmite informasaun ba komunidade sira nune’e bele redus diskriminasaun ba ema ho difisiensia iha sosiaedade nia let.

“Objetivu ba atividade ida ne’e atu emporeda foinsa’e sira liuliu ba estudante sira tanba foinsa’e sira mak bele espalla informasaun ba  iha ita nia komunidade sira, tanba ne’e mak ministeriu tinan hirak liu ba ita hahu tama sai eskola atu desimina informasaun ba ita nia foinsa’e sira liga ba asuntu difisiensia ninian, prefere  ba eskola ida ne’e primeiru bazeia ba organizasaun ne’ebé eziste iha  Covalima no informasaun husi sentru solidaridade sosial katak presiza tebe-tebes ita desamina informasaun hirak ne’e ba alin estudante sira, dala ruma numeru  diskriminasaun bo’ot ne’e inklui mos Munisipiu Covalima, entaun atu redus diskriminasaun sira ne’e mak ita presiza hili Munisipiu Covalima para oinsa fahe informasaun ne’e ba estudante sira hodi sira bele kontinua fahe ba komunidade, ita nia sosiadade no mos ita nia inan aman” Diretór Nasional Pessoas Portadora Difisiensia Domingos Hendriques Maia informa

Estudante sira iha Eskola Sekundaria Teknika Vokasional Akar Laran, sei kontinua habelar informasaun ba inan aman sira iha uma konaba termu sira ne’ebé uja hodi temi ba ema ho difisiensia.

“Ohin maun ho bin sira fahe informasaun mai ami katak halo ami konprende ona konaba termu ba ema ho dfisiente sira ne’e mak hanesan difisiente fisiku, difisiente matan, tilun no seluk tan maibe ida ne’e halo’a ami mesak mak atu komprende lae, maibe ami sei hatutan ba iha familia sira nia let” Dehan  estudante Ferdianos de Jesus.

Nune’e mos Estudante Joanina sekunda tan, “Hanesan ami rona ona informasaun ne’e bele  fahe tutan ba iha familia ba iha komunidade no iha fatin ne’ebe deit atu nune’e labele halo diskriminasaun ba ema ho difisiensia” Estudante Joanina Gomes hateten

Entretantu atividade hala’o iha Eskola Sekundaria Teknika Vokasional Akar Laran, tersa semana ne’e, partisipa husi estudante sira no mos Asosiasaun ema ho difisiensia sira hanesan KDESTO no RHTO iha Covalima.

Jornalista : Moichung

Editor  :Chamot Nahac