PAM COVALIMA KONTINUA HALA’O VIZITA TRABALLU IHA POSTU ADMINISTRATIVU TILOMAR HODI HAMETIN LASU AMIZADE HO POVU
Prezidente Autoridade Munisipiu PAM Covalima Miguel Armada Cardoso "Razão"
hateten, alende hametin lasu amizade, liu husi vizita ida ne’e mos halore ba
Komunidade sira konaba programa prioridade ne’ebe mak atu implementa durante mandate
nudar Prezidente Autoridade Munisipiu Covalima.
"Vizita traballu ida
ne’e atu halo lasu amizade ho komunidade sira, ida ne’e mak hau nia objetivu,
Programa saida mak atu hala'o iha ha'u nia mandate; ida primeiru dezemiña
informasaun balu liuliu atu ko’olia konaba tarabandu ne’ebe mak ligadu ho lei numeru
33 konaba hijene no ordem publika nian, nune'e mos ba iha lei movimentu animal
ninian, lei pekuaria, buat balu ne’ebe mak prezidente observa ona husi mota masin
ba to'o iha zumalai ne’eba ita nia animal sira ne’e ita husik livre, tanba ida
ne’e mak prezidente iha ona hanoin kria lei tarabandu ida hodi nune’e ita bele
ezekuta turi lei 33 konaba hijene orden publik no mos movimentu animal
ninian" PAM Covalima Miguel Armada Cardoso Kodigu Razão esplika.
Iha fatin hanesan Prezidente
Konselu Konbatentes Libertasaun Nasional (CCLN) Munisipiu Covalima Osorio Soares
“Mausoko” Aseita ho Programa ne’ebe PAM sei implementa iha Covalima.
"Husi veteranus ninia
hare planu PAM ninian ne’e di’ak, veteranus hotu hotu iha Timor laran tomak ne’e
apoiu 100% ba programa Guvernu nian, laiha
impedementu ruma ba PAM nia planu estrateziku dezenvolvimentu " Mausoko
dehan.
Entretantu molok ne’e PAM
Covalima hala’o ona atividade vizita traballu ho programa ne’ebé hanesan iha
Postu Administrativu Maukatar, Suai no sexta semana ne’e (03/08) hala’o iha
Postu Administrativu Tilomar, nune’e sei kontinua ba Postu Administrativu sira
seluk hanesan Fohorem, Fatululik, Fatumea no Zumalai.
Jornalista : Moichung
Editor : Chamot Nahac
