Lia hirak ne’e hato’o husi
reprezentante povu iha Uma Fukun, Parlamentu Nasional (PN), liu husi Komisaun
D, Deputadu Saul Salvador H. J. Amaral ba jornalista sira hafoin akompaña MAPPF
Marcos da Cruz hala’o koleta hare hektares 189, iha Aldeia Loro, Suku Suai Loro,
Postu Administrativu Suai,
“Hanesan membru parlamentu
husi Komisaun D sempre fo hanoin ba iha ministerium atu agrikultor sira hotu
iha teritoriu laran tomak inklui iha fatin ida ne'e, preokupasaun lubuk ida
ne’ebé maka natar na’in sira foti liliu iha fatin ida ne’e konaba irigasaun,
tau ona iha planu kuandu aprezenta ba parlamentu ami sei apoiu hodi bele aprova
pursentu 100, tanba politika nonu governu nian ne’ebé tau prioridade ba setor
agrikultura liliu agrikultor ida ne’e importante tebes tanba ita hakarak
sustentabilidade ekonomia ne’e ba agrikultura mos hola parte area ida ne’e
hanesan setor produtivu, dala barak ita depende de’it ba mina maibe setor
produtivu ita la tau atensaun, mais nonu governu nia komitementu aora daudaun
tau atensaun hahu kedas iha 2024 katak tinan oin ne’e sei tau atensaun maka’as
liu tan” dehan Deputadu Saul Salvador H. J. Amaral.
Deputadu ne’e haktuir, iha
mandatu anterior area agrikultor abandona tanba impaktu husi kalamidade no Covid
19, maibe ho prezensa governasaun ida ne’e atu bele hadi’a neneik.
“Ita tinan barak nia laran
mandatu anterior iha tinan lima ba kotuk ne’e area agrikultura ne’e ita
abandona tanba kestau covid, kalamidade entaun estraga lubuk ida ho ida ne’e
maka nonu governu nia prezensa atu hadi’a neneik, tinan ne’e ita bele hare ona
katak kolleta ida ohin ne’e hatudu katak ministeriu halo servisu ho ninia
agrikultor sira, ho nia extensionista sira ho mos parte seluk ne’ebé iha hanoin
atu hasa’e produsaun, nonu governu la’o neineik lori mudansa ba nia povu no mos
agrikultor sira. Kuandu ita book ona setor produtivu hanesan agrikultura,
turismu no mos sira seluk ida ne’e parte ida husi sustentabilidade ekonomia, ha’u
fiar katak ekonomia bele ba oin ne’ebé ami sei suporta maka’as ba ministeriu
kuandu ministeriu nia planu aprezenta ba iha parlamentu ami sei aprova maka’as
tebes” nia hatete.
Enetratntu Deputadu Saul Salvador
H. J. Amaral husu ba natar na’in sira atu labele abandona rai natar hodi bele
hasa’e produsaun no labele dependensia demais ba iha importasaun husi rai liur.
Jornalista : Julio Salinas
Editor : Chamot Nahac
