TANBA HAREE HUSI DEZENVOLVIMENTU LA’O AVANSADU-GOVERNADOR BCTL KONSIDERA COVALIMA SEI SAI BONITA IHA FUTURU
.png)
Rafael Borges,
hatete Covalima hanesan Uniku Munsipiu ida ne’ebé maka ninia ezenvolvimentu
avansadu ho auto estrada, tan ne’e husu ba intituisaun finanseiru sira bele
loke liras hodi halo investimentu hari banku iha Covalima.
“Suai
la’os buat foun maibe ita mai dala rua ou dala tolu ona, ohin hanesan ita
atualiza de’it, tamna saida maka hili Suai hanesan tarjetu ba atividade ida
ne’e, ohin hau esplika uitoan ba PAM katak Suai ne’e sei sai feto bonita ida ba
povu tomak iha Timor, tanba saida ita bele haree so iha Timor bainhira ita husi
Dili mai ne’e hatene katak ita iha ona nasaun seluk ne’ebe dezenvolvidu ona ,
estrada ida hanesan ne’e so iha nasaun boot sira maka iha, maibe iha Timor so
uniku Suai maka iha munisipiu seluk sei dauk tan ne’e ita agradese Suai sei sai
feto bonita ida iha futuru, tanba ne’e husu ba instituisaun finanseiru sira
bele hakbesik an mai iha Suai para bele
haree ona, potensial saida maka iha ne’e, explora saida maka iha hodi bele dudu
ekonomia iha Suai rasik, ita haree demografia fatin ne’ebe furak tebes, fresku
tebes sidade mos furak ita haree katak kompara ho munisipiu seluk Suai hanesan
espesial tanba ne’e maka ami hakbesik instituisaun finanseiru sira iha ne’e
husi banku BRI, Mandiri, ANZ no sira seluk atu bele hakbesik mai iha Suai hodi
dudu dezenvolvimentu iha rai ida ne’e liliu bele harii banku”
dehan Vise Governador Banku Sentral Timor-Leste, Rafael Borges, iha nia
intervensaun hafoin realiza seminariu konaba lisensamentu, regulamentu no supervizaun
ba atividade servisu finanseiru dijitál iha Timor-Leste ne’ebé hala’o iha
Salaun Enkontru Administrasaun Munisipiu Covalima Kinta (08/08).
Prezidente
Autoridade Munisipiu (PAM) Covalima, Miguel Armada Cardoso “Razão” hatete riku
soin hanesan mina rai ne’ebé iha na’in ba Timor oan hotu, daka no bali maka ema
Covalima oan.
“Ita
iha Covalima, dala barak ha’u mensi bebeik katak mina ne’e ema Timor-Leste
tomak nian, na’in ne’ebé daka no bali ba mina ne’e Covalima maka daka, iha
diferensia uitoan na’in Covalima nian, tanba ne’e na’in la bonitu ne’e araska feto
bonita sira ema hadau hotu, bonita ne’e maka ne’ebé, la’os feto sira maka
bonita maibe riku soin sira ne’ebé iha Munisipiu Covalima mos sai komunitariu
ida, mina iha, parte agrikultor nian la’o di’ak, fatin turismu iha, tan ne’e ha’u
sadik ba ita bo’ot sira katak saida maka ita bo’ot sira bele halo, saida maka
ita bo’ot sira bele jere hodi nune’e bele hetan lukru, fiar katak fatin ida
ne’e iha mina, ita mos iha baliza, ita mos iha auto estrada uitoan ne’ebé la’o
ona, ita mos iha aero portu ho seluk tan, husu atu ita hotu jere netik ida ne’e”
PAM husu ba Covalima oan hotu.
Entertantu
seminariu konaba lisensamentu, regulamentu no supervizaun ba atividade servisu
finanseiru no servisu finanseiru dijitál iha Timor-Leste hala’o husi Banku
Sentral Timor-Leste ne’e hala’o iha Salaun Enkontru Administrasaun Munisipiu
Covalima, no hetan partisipasaun husi Vise Governador Banku Sentral
Timor-Leste, BNCTL, Banku Mandiri, BRI, ANZ, BNU, Telemor, Telekomcel, CCI-TL
Covalima no emprezariu sira, PAM, PNTL Administrador Postu Sira, Xefe suku
inklui Intelektuais sira.
Jornalista : Julio Salinas
Editor : Chamot Nahac
