Covalima (RCCT) 17-09-24 Museum Memorial Covalima fahe informasaun ba estudante eskola café na’in 50 konaba istoria pasadu funu na’in sira nian hodi funda nasaun Timor Leste.
Maria
Carvalho Amaral “ Bi Kiak” Hatete Estabelese Museum Memorial Munisipiu
Covalima, atu prezerva no atkivu luta na’in sira nia istoria konaba ukun rasik
an hahu husi 1974 to’o 1999 tan ne’e mak Museum Memorial iha programa kada
fulan nen fahe informasaun ba estudante sira hodi bele hatene konaba istoria
paradu husi funu na’in sira.
“Kada tinan ami halo dala rua, fulan nen dala
ida, primeiro ami hotu ona iha fulan juñu,
agora ba etapa segundu mak ohin loron realiza ho eskola Café Suai rasik, nia
objetivu lolos ne’e atu habelar informasaun ka ita nia istoria pasadu hirak
ne’ebé mai husi ita nia aman funu na’in sira, ita nia avo sira ita nia inan
sira me’ebé mak funda ba nasaun ida ne’e,
luta ida ne’ebé naruk tebes husi 1974 mai to’o iha 1999 ikus liu maka
akomtesimentu dia 6 de setembro 1999 ne’ebé akontese ba iha ita nia igresa suai
hodi hamate ita nia amo nain 3 ho sarani lubuk ida,” Jestora Museum Memorial
Munisipiu Covalima, Maria Carvalho Amaral “ Bi Kiak” esplika.
Iha
fatin hanesan estudante Eskola husi Café, Evina Fatima da Costa Cardoso orgullu
ho programa ne’e tanba bele fo oportunidade ba sira hodi hatene aprende konaba
istoria ne’ebé akontese iha 1974 to’o 1999.
“ami husi eskola café sente kontente tebes
tamba bele rona direitamente konaba istoria ne’ebé akontese iha 1974 to’o 1999
no ha’u senti triste tanba ita nia tiu no avo sira iha tempu ne’eba mate no
selu rai Timor ida ne’e, no antes ne’e ha’u rona istoria itoan itoan ona iha
materia istoria nian no iha museum ida ne’e ha’u foin rona kompletamente konaba
istoria uluk nian” dehan Evina.
Desiminasaun
infomasaun ba Estudante Eskola Café 50 konaba istoria pasadu lita na’in sira
nian ne’e hala’o durante loron rua iha Salaun Monumentu Setembru Negro.
Jornalista : Alfredo Barreto
