CCC SOSIALIZASAUN INFORMASAUN BA KOMUNIDADE LABARAI KONABA PREVENSAUN ASEDU SEKSUAL NO TERMONOLIZIA UZA BA EMA HO DIFISIANESIA
Manejer Programa iha Centro
Comunidade Covalima (CCC),Hilaria Amaral do Carmo durante ne’e komunidade sira hasoru
bebeik asedu seksual maibe seidauk hatene atu relata hodi hetan justisa ne’ebé
justu.
“Objetivu maka atu hasa’e
komunidade sira nia kuñesimentu, oinsa atu uza linguajen no termunolizia ne’ebé
dignu ba ema difisiensia inklui mos oinsa atu halo prevensaun ba iha asedu
seksual, tamba buat ida asuntu seksual ne’e akontese bebeik maibe ema ladauk
hatene informasaun oinsa atu bele relata informasaun ne’ebé mak sira hasoru” hatete Hilaria Amaral do Carmo.
Iha fatin hanesan Reprezentante
Diretóra Servisu Munisipal Organizasaun Komunitaria Munisipiu Covalima, Marcos
Gusmão, hatete komunidade sira persija iha koñesimentu konaba atu relata kazu asedu
seksual no mos hatene uza liguazen ne’ebé dignu hodi temi ba ema ho
difisiensia.
“Programa ida ne’e di’ak
tebes ba komunidade atu nune’e komunidade bele iha kuñesimentu klean liu tan
konaba asuntu rua ne’ebé mak mensiona, tamba dala barak iha komunidade nia let
wainhira iha problema ruma liga ho asedu seksual sira atu keisa ba se? sira
hetan amiasa husi se ? ida ne’e sira seidauk hatene nia lala’ok, tanba ne’e mak
prezensa husi programa ida ne’e sira bele hetan ninia dalan ka solusaun”
Marcos Gusmão, dehan.
Entretantu Xefe Suku Labarai,
Paul de Sena, rekuñese Komunidade sira balu seidauk iha kuñesimentu di’ak atu
uza termonolozia hodi temi ba ema ho difisiensia no mo seidauk hatene atu
relata kazu wainhira hasoru problema asedu seksual. Engkuantu komunidade
hamotuk 110 husi aldeia lima iha suku labarai mak partisipa sosializasaun ne’e.
Jornalista : Alfredo Barreto
Editor : Chamot Nahac
