GOVERNU ALOKA OSAN RIHUN ATUS IDA HAT NULU RESIN HODI KONSTRUI NO REHABILITA JARDIM LAKIRIM IHA MAUKATAR

Covalima (RCCT) 23-09-24-Governu Aloka osan hamotuk dolar amerikanu rihin atus ida hat nulu resin ba projetu PDIM iha Covalima hodi Konstrui Fatin Turzimu no rehabilitasaun Jardim Lakirin.

Ba okaziaun ne’e, Diretór Servisu Munisipal Aprovizionamentu Covalima, Roberto Alvaro Gomes, Informa Tempu ba atividade rehabilitasaun no konstrusaun fatin turizmu no Jardim Lakirin ne’e sei hala’o durante fulan tolu ne’ebé sei finaliza iha fulan Dezembru 2024 husi Kompañia Taroman Lakfa Unipesoal Lda,

“Ohin ita halo lansamentu ba serimonia kultural nia durasaun servisu fo tempu ba kompañia bazeia ba kontratu ne’ebé mak ita halo husi Administrasaun Munisipal Covalima ho durasaun tempu ita fo ho fulan tolu fim do ano ida ne’e iha dezembru ita tenki konklui ona obra ida ne’e” Diretór Servisu Munisipal Aprovizionamentu Covalima, Roberto Alvaro Gomes,  hateten

Manajer Projetu  Kompañia Taroman Lakfa Unipesoal Lda, Natalino Alberto esplika projeitu  refere mak sei halo rehablitasaun ba eskada sa’e ba kruz iha foho Lakirin leten, no Gruta nomos moru hale’u kruz bo’ot iha Lakirin.

“Prozeitu ne’e ho nia montante kuaze 140 ital, projetu sira ne’e ohin halo ona serimonia ritual, ba oin ita sei hala’o ona rekrutamentu traballador sira, tanba ida ne’e ita bele dehan medan ida ne’ebé mak bo’ot ituan, entaun tenki rekruta traballador ne’ebé mak barak tanba projetu ida ne’e nia finalidade iha tinan ne’e no ITEMA barak mak ita sei renova ita sei rehabilita balu mos ita sei rekonstrui mak hanesan Gruta, nia fatin atu tur sira ne’e ho tan eskada balu ne’ebé mak ita presija rekonstrui no balu ita halo moru iha krus bo’ot nian ne’eba ita halo konstrusaun foun” Manejer Projeitu, Natalino Alberto esplika

Entretantu iha segunda feira ne’e Autoridade Munisipiu Covalima hamutuk ho lia na’in sira iha Postu Administrativu Maukatar, realiza ona serimonia kultural molok Kompañia Taroman Lakfa Unipesoal Lda halo atividade rehablitasaun no konstrusaun fatin turizmu iha Jardim Lakirin. Engkuantu, partisipa iha serimonial kultural ne’e mak Prezidente Autoridade Munisipiu Covalima, Sekretariu Munisipal Asuntu Planeamentu Investementu no Dezenvolvimentu Integradu, Diretór Servisu Munisipal Aprovizionamentu  Covalima, Diretór PDIM Covalima, Administrador Postu Administrativu  Maukatar, Amo Vigario Paroquia Igreja Suai, reprezentante polisia eskuadra Maukatar, Lia na’in no komunidade sira.

Jornalista :Moichung

Editor       : Chamot Nahac