Sekretariu
Estadu Kooperativa (SEKOOP) Arsenio Pereirra rekoñese durante ne’e governu seidauk
apoiu fini, maibe to'os na'in sira mak esforsu hodi buka rasik hodi kuda no
halo produsaun bafo kayrala.
"Governu
to'o ohin loron seidauk apoiu fini, tanba sira Kamponeze, sira to'os n
a'in, fini
ne’e mai husi sira, uluk kuandu ha’u simu mandatu primeiru ha’u apoiu kilo 4 deit
maka hale’u munisipiu tomak maka sira kuda fini ida ne'e maka habarak to'o ohin
loron" dehan SEKOOP Arsenio Pereirra, ba
jornalista sira hafoin hamutuk ho MOKATIL no komunidade sira lansa kuda Bafo
Kay Rala, iha Aldeia Salele Bo'ot, Suku Lalawa, Postu Administrativu Tilomar,
Segunda (16/09).
Governante ne’e,
apresia ba matenek ne’ebé kamponeza sira iha, badinas halo servisu no kuidadu
fini ne’ebé iha.
"Atu
hatete de'it katak kuandu fini ne’e ita la kuidadu ho di’ak dala ruma nia
produsaun mos ladun di'ak, maibe ita hatene katak to'os na'in ka ema Kamponeze
sira ne’e matenek loos, oinsa sira prepara fini no sira prepara rai, tanba komoditi
ka bafo ida ne’e la koñese ba musim, ita hatene Katak ohin tama ona ba meiadu
de Setembru ita kontinua kuda nafatin depende ba rai ne'ebé sira prepara, no
fini ne’e iha ita bele kuda'” dehan SEKOOP
Arsenio Pereirra
Sekretariu Jeral
MOKATIL Munisipiu Covalima Elias Agustinho, hatete Viveru ba komoditi bafo Kay
Rala ne’e sei kuida dirante loron 11 foin bele fokit fali hodi kuda iha rai
ne'ebé prepara ona.
"Ida
ne'e maka ami kuda ona hanesan viveirus ne'ebé ohin hahu kuda ona, ami hahu
halo viveirus ne’e durasaun tempu ba hakiak fini ne’e iha loron 11 deit bele
fokit hodi kuda, ohin ita kuda fulan setembru maibe to'o fali fulan Dezembru ou
Janeiru hanesan ne’e ita bele kolleta ona tama fulan tolu koleta dala ida" Sekretariu Jeral MOKATIL Munisipiu Covalima Elias Agustinho,
esplika.
Viverus Bafo Kay
Rala ne'ebe to'os na'in sira hakiak iha rai to’os hektar 3 no sei kontinua kuda iha rai to’os
hektar 10 iha Aldeia Salele Bo'ot, Suku Lalawa.
Jornalista :
Julio Salinas
Editor : Chamot Nahac
