Xefe Grupu Agrikulor Fini Uman
(FU) Tito Tilman, dehan fini barak maka grupu agrikultor ida ne’e hetan husi ONG
HLT mak hanesan, modo musan, kankung musan, pateka. Tito dehan, sira hetan ona
rendimentu husi fini hirak ne’ebé mak sira kuda.
“Fini maka iha oin hira
kedas ne’ebé ami hetan husi ONG HLT hanesan pateka musan, mostarda musan,
kankung musan, buat hirak ne’e maka ami kuda ona no depois balu maka koilleta
ona hodi hetan osan uitoan sustenta grupu ida ne’e no familia rasik, ida ne’e
maka ami hetan apoiu husi HLT” informa Xefe Grupu Agrikulot Fini Uman
Tito Tilman,
Estaf Tekniku ONG HLT, Armando
Soares, informa ktak grupu Fini Uma iha Vontade di’ak atu halo atividade
agrikultur.
“maibe hare ba iha grupu
ida ne’e ninia ejistensia ho tempu naruk ona hahu husi tinan 2022 mai to’o ohin
loron liu husi vontade sira nian la para ikus mai ami rona sira nia halerik
hakarak apoiu buat ruma husi ONG HLT hahu fo tulun primeiru fura be posu ida,
instala tore ida kompleta ho fiber, instala mos irigarsaun turu tanba ita
ko’alia konaba ai horis ita presija halo rega buat sira ne’e loro-loron, todan
uitoan bainhira ita rega manual kada loron tanba ne’e maka ami direita liga
instalsaun irigasaun turu no iha ajuda ikus liu ami sei presija atu entrega tan
trator miniteler ne’ebé maka sei uza hodi harahun rai no halo bedeng para
fasilita sira uza sistema ida tradisional ne’e halakon tiha uza fali sistema
modernu uitoan para fasilita ita nia servisu ba futuru” nia dehan.
Dadaun Grupu Agrikultor Fini Uman
(FU) haki’ak modo, kankung, ai manas, pateka, brinzela, inklui ikan iha kolam hamotuk
rua no mos hakiak manu.
Jornalista : Julio Salinas
Editor : Chamot Nahac
