HANOIN HIKAS AMU NA’IN 3 NO SARANI SIRA NIA MATE IHA IGREJA SUAI-AUTORIDADE,MATE RESTU NO FAMILIA MATEBEAN KARI AI FUNAN NO SUNU LILIN IHA MONUMENTU MASAKRE SETEMBRU NEGRO

Covalima (RCCT) 06-09-24 Mate restu no familia matebian iha trajedia 6 de setembru 1999 hamotuk ho sarani covalima no autoridade sira komemora akontesimentu moruk ne’ebé rejulta amu na’in 3 no sarani lubuk ida ne’ebé lakon vida tanba milisia asasinadu sira nia lima k’roat.

Prezidenta Autoridade Munisipiu Covalima Miguel Armada Cardoso “Razão” hatete, Amu na’in tolu no sarani lubuk ida ne’ebé fornese sira nia an mate iha igreja suai tanba hakarak ukun rasik an ne’ebé ohin loron ita hotu goja.

“Ohin loron  espesial ba ita nia matebian sira mos loron ida ne’ebé mak sira nia luta sira saran  an sira nia isin lolon ho amu lulik na’in tolu Amu Hilario, Amu Sico no Amu Dewanto no sarani lubun bo’ot ida mak oferese sira nia an mak ohin loron ita senti, atu hatutan sira nia obra hirak ne’ebé mak sira rai hela”   Prezidente Autoridade Munisipiu Covalima Miguel Armada Cardoso “Razão”.

Ita goja ona ukun rasik an maibe, labele husik matebean sira nia ran ne’ebé fakar iha igreja suai naben saugate deit, dehan Amu Parokia Igreja Suai, Sebastião Correia.

“ Tamba sira nia mate ne’e mak oras ne’e ita goja,  maske itoan ka barak ita goza. sira nia ran ne’e, labele halo naben saugate deit. Hanesan iha Amu nia umulia ohin “ran martir nian tenki sai fini fiar nian ne’ebé moris ba oin,” Amu Parokia Suai Sebastião Correia dehan.

Emtretantu Amu na’in tolu ne’ebe mate hamotuk ho sarani sira iha igreja suai iha loron 6 fulan setembru 1999 mak, Amu Hilario Madeira, Amu Francisco Soares, Amu Tarcisius Dewanto.

Partisipa iha kari ai funan no sunu lilin  iha Monumentu  Setembru Negru ne’e  partisipa husi Prezidente Autoridade Munisipiu Covalima, Administrador Postu Administrativu Suail  Veteranus  Siara no PNTL Covalima, Amu Parokia no Amu Vigaru, Madre sira, inklui sarani sira hotu iha Munisipiu Covalima .

Jornalista :  Alfredo Barreto

Editor       :  Chamot Nahac