.png)
Counselor Uma Transit Suai, Antonia de Jesus, hatete alende menus
rekursu hasoru problema mos konaba laiha transporte bainhira halo halo
re-integra fali familia vitima sira ne’ebé sai kliente ba iha rede sira.
“Sim problema ne’ebé ami hasoru maka hanesan
lina kordenasaun, hanesan iha uma maho karik hasoru problema ida kona ba
transporte, obrigadu tenke husu tulun ba iha maluk parseiru sira seluk nune’e
bele suporta ita nia kliente bainhira mia hakarak fila ba nia familia, iha mos
failansu balu ba iha rekursu umanu hanesan staf ne’ebé limitadu staf na’in ida
bele halo servisu duplu, hanesan iha uma mahon karaik tenke halo servisu
atendimentu no akonsolamentu inklui halo reinserasaun, reinserasaun ne’e tenke
kolanora ho Ministeriu Solidaridade Sosial no Inkluzaun inklui parseiru sira
seluk hanesan segiransa ne’ebé baibain ami lao hamutuk ho Alfela, Pradet, ho
VPU sira nia prezensa ne’e uma mahon presija tebes ami bele kolabora servisu
hamutuk hodi halo reinserasaun ba kliente refere” informa Counselor Uma Transit Suai, Antonia de
Jesus.
Xefe Departamentu Asistensia Inkluzaun Sosial Munisipiu Covalima,
Filomena Alves Barros, rekoñese problema ne’ebé hasoru durante ne’e liu liu konaba
liña kordenasaun entre membru rede referal sira.
“Problema ne’ebé maka identifika ita nia membru
rede referal sira menus iha liña kordenasaun, tan ne’e ba oin ita presija sei
hadi’a liu tan liña kordenasaun, iha ne’eba mos karik trasa planu oinsa ita
hamutuk halo divulgasaun, halo sosializasaun ba ita nia komunidade sira hodi
hasa’e sira nia koñesimentu konaba papel membru rede referal ida-idak nian,
karik akontese kazu ruma oinsa sira bele relata ba iha se” informa Xefe Departamentu Asistensia Inkluzaun
Sosial Munisipiu Covalima, Filomena Alves Barros.
Problema ne’ebé membru rede referal hasoru iha Covalima maka oinsa
atu halo atendimentu ba kliente sira, maibe ida ne’e la sai obstaklu ka
impedimentu tanba sempre iha kordenasaun
di’ak entre membru rede referal sira hanesan Alfela, Pradet, VPU, Uma Mahon
Salele no Centru Comunidade Covalima hodi integra lalais kondisaun ka situasaun
ne’ebé vitima sira hasoru.
Jornalista : Julio
Salinas
