MESCC DESAMINA INFORMASAUN BA DIRETOR ESKOLA PUBLIKU NO AUTORIDDADE LOKAL SIRA COVALIMA KONABA ESTUDANTE BELE ASESU BA ENSINU SUPERIOR PUBLIKU

Covalima(RCCT) 19-09-25 Quarta feira ne’e Ministeriu Ensino Superior Ciensia no Kultura (MESCC-Sigla Portuguesa) Desimina informasaun Konaba Asesu Ensinu Superior Publiku, Universidade Nasional Timor Lorosa’e (UNTL) No Institutu Politekniku Betanu (IPB) tinan Akademiku 2025 ba Diretór eskola publiku no privadu sira iha Salaun Eskola Sekundaru Jeral Publiku Suai.

Presidente Institutu IPB  Acasio Cardoso Amaral hatete, hahu iha tinan 2025 IPB halo ona mudansa husi Diploma II ba Diploma III.

"Objetivu ami mai ohin loron iha ne’e atu esplika konaba  oinsa estudante sira remata eskola ba tinan  ne’e no mos sira ne’ebé remata iha tinan pasadu bele asesu Ensino Superior Publiku, Ensinu Supeior Publiku ne’e mak iha rua, UNTL no IPB. Ohin apresenta baseia ba diploma ministerial ne’e konaba kriteria sira ne’ebé ita nia estudante sira bele aproveita sub rezimi espesial, iha sub rezimi sanulu resin nen, sira bele apoveita ida ne’e hotu no ami mai esplika kasu IPB karik ami tinan ba tinan hala’o kursu Diploma II maibe komesa 2025 ba oin komesa ho Diploma III.” Acasio Cardoso Amaral, Esplika.

Representante Presidente Autoridade Munisipiu Covalima. Atual Sekretariu Munisipal Asuntu Sosial no Organizasaun Komunitariu, Filomeno Cardoso, enkoraza Estudante sira iha Covalima no mos dezafia manorin sira iha Covalima atu eduka didi’ak estudante sira hodi bele asesu ba ensinu superior publiku sira hanesan UNTL no IPB.

“Esforsu tomak husi nai Diretór eskola hotu hotu tantu husi eskola privadu no eskola publiku ho manorin na’in sira, susesu tomak husi estudante ne’ebé mak pasa no la pasa ne’e xavi iha ita bo'ot sira, ne’e ha’u enkoraze ita bo'ot sira nudar Autoridade tamba ita bo'ot sira mak hanorin hela sira ne'ebé mak bele ou labele ne'e ita bo'ot sira mak hatene tia ona durante ne'e. Ha’u nafatin enkoraza ita bo'ot sira atu Covalima itoan deit mak pasa se bele foti numeru un iha Timor-Leste ne’e ha’u enkoraze ita bo'ot sira, husu mos ba na’i Xefe Suku sira nudar autoridade komunitariu ita bo'ot sira nafatin servisu hamutuk ho na’i Veteranus sira servisu hamutuk ho MSS atu hili ka hare hela ema ne’ebé mak merese duni atu tama bolsu kibit laek ninian no sira ne'ebé mak merese tama iha bolsu Veteranus ninian ne'e ita bo'ot sira nia servisu" Nia dehan.

Entretantu Desaminasaun informasaun ne’e hala’o iha salaun eskora Sekundario Jeral  Publika Suai, partisipa husi Diretór Eskola no manorin na’in sira husi eskola privadu no publiku sira inklui Autoridade, Veteranun sira iha Munisipiu Covalima.

Jornalista : Alfredo Barreto

Editor : Chamot Nahac