Sekretariu Jeral
MOKATIL Munisipiu Covalima Elias Agustinho, ba jornalista sira hatete kuda bafo
kayrala iha rai hektar 240 ne’e atu hasa’e produsaun rai laran hodi ajuda
governu redus numeru importasaun aihan
importasaun husi husi nasaun seluk.
"Atu
informa katak husi hektares 240 ne’e iha Postu Administrativu Suai iha rai
hektares 40 maka aban atu ba halo lansamentu fila rai iha Suku Beko, Postu
Administrativu Maukatar iha hektares 12, Postu Administrativu Fohorem rai
hektares 12 ne'ebé hein udan tinan tun mak foin ami kuda, iha area postu
administrativu Tilomar iha hektares 124 no restu husi ne’e MOKATIL mos
identifika ona iha Postu Administrativu Zumalai ho postu administrativu sira
seluk" Relata, Sekretariu Jeral MOKATIL
Munisipiu Covalima Elias Agustinho.
Sekretariu
Estadu Kooperativa (SEKOOP) Arsenio Pereirra hatete governu hakarak utiliza rai
hektares 710 iha teritoriu laran, sai tarjeitu atu uza hodi kuda Bafo Kay Rala.
"Tuir
dadus ne’ebé ha’u iha agora, tinan kotuk hahu husi fulan Jullu kuandu ha’u
assume kargu hanesan Sekretariu Estadu to'o mai ohin loron, dadus ne’ebé iha
agora daudaun tarjetu rai uza hodi kuda bafo ba iha teritoriu nasionàl ita
tarjetu ba iha hektares 710, maibe daudaun ne’e foin maka utiliza rai hektares
48 kultiva ona balu ba ona iha epoka II no III, ida ne'e maka nia total koleta
iha 85 toneladas ne’ebé maka agora iha.” Sekretariu
Estadu Kooperativa (SEKOOP) Arsenio Pereirra, informa
Entertantu Munisipiu
Covalima iha potensialidade tebes atu utiliza hodi hasa’e produsaun aihan iha
rai nune’e bele minimiza ka redus numeru importasaun husi rai liur tama mai
Timor-Leste.
Jornalista :
Julio Salinas
Editor : Chamot Nahac
