PNTL COVALIMA KOLOKA MEMBRU 40 APOIU SEGURANSA DURANTE VIZITA SANTU PADRE PAPA FRANCISCO IHA TIMOR-LESTE
Superintendente
Polisia Calisto Gonzaga dehan kolokasaun membru na’in hat nulu husi covalima ba
fo apoiu seiguransa durante vizita Sua Santidade ne’e desidi bazeia ba despaixu
husi Komisariu Geral PNTL.
“Ita haruka ona lista sira ne’ebé mak atu bele reforsa
komandu jeral ne’e, sira iha 40 ne’e, maka diretamente ita intrega tuir tentativa
ne’ebé maka husi despaixu, dala ruma tres dias antes, pur tantu iha dia seis
sira ba ona para sira hetan brifing, sira kolokadu iha ne’eba siguransa imediata,
siguransa aproxima, siguransa afastadu no siguransa kosteira, entaun ita haruka
ita nia rekursu sira ne’e para fo rezerva ba Komandu Jeral.” Komandante PNTL Covalima, Superintendente Polisia Calisto Gonzaga Informa.
Komandante Calisto mos dehan sei iha ekipa ne’ebé hela
iha Covalima hodi halo vizilansia atu fo garantia seguransa iha Covalima liu
liu iha area fronteira.
“Ita mos tau ida iha postu integradu para atu bele
halo defeza, maibe ita nia imigrasaun fo
hatene ona katak portaun taka ba ema tama no sai durante amu Papa iha ne’e
maibe ita tenki tau mos defeza ida para prevensaun, nune’e ita bele garante,
depois iha vizilansia balu ne’ebé mak iha ne’e tenki halo nafatin, vizilansia
ba iha area ne’ebé mak ita identifika presiza tebes tau matan” Superintendente
Polisia, Calisto Gonzaga hakotu.
Alende ne’e PNTL
Covalima mos koloka Menbru sanulu resin lima seluk hodi akompaiña sarani sira nia viazen
husi Covalima ba fatin konsentradu iha Tibar.
Jornalista: Moichung
Editor : Chamot Nahac
