SARANI COVALIMA BESIK RIHUN5 PREPARADU IHA TASI TOLU PARTISIPA SERIMONIA EUKARISTIA HO PAPA FRANCISCO

Dili, Tasi Tolu (RCCT) 10-09-24-Sarani Covalima besik rihun lima ne’ebé desloka husi fatin konsentradu Tibar iha tuku 9:25 la’o ain to’o fatin misa iha tasi tolu iha oras hale’u  tuku 10 liu minitu 35 no tama ba iha fatin ne’ebé Komisaun Organizador Nasional prepara besik altar santu iha oras tuku 12:00

Sarani Covalima besik rihun lima la intrese loron nia manas, antisiasmu hein oras atu akompaña serimonia eukaristia ho Sua Santidade Papa Francisco. Peregrinu Silvester Ferreira tau esperasaun depois de misa santa ho Amu Papa sei lori dame ba timor oan liu liu ba foinsa’e sira.

"Senti kontenti ho Sua Santidade ne’ebé vizita povu Timor-Leste ho hanoin ida katak Papa nia vizita iha Timor leste mai lori paz ho dame iha Timor-Leste, Ha’u nia esperansa ba Papa nia vizita ne’e ho nia tema ne’ebé iha loron ida ohin katak, fiar mak sai kultura, entaun mensajen ba joven sira katak Amu Papa fila husi rai ida ne’e ema Timor oan la hare ba nia kor la hare ba nia ras la hare ba nia grupu, para oinsa kria dame ho Paz,  atu Timor ne’e mudansa iha futuru" Silvester espresa.

Obrservasaun Radio Comunidade Cova Taroman iha Tasi tolu Dili, Sarani sira hotu inklui Peregrinu husi Covalima, Antisiasmu hein Sua Santidade nia prezensa iha rai santu tasi tolu, la preokupa rai manas, anin hu rai rahun, kosar habokon isin mai fiar nudar sarani katolika la mihin iha timor oan sira nia fuan.

Jornalista:Moichung

Editor : Chamot Nahac