Sekretariu Estadu
Kooperativa (SEKOOP) Arsenio Pereirra da Silva, husu to’os na’in sira badinas halo
servisu hodi hasa’e produsaun rai laran ne’ebé nutritiva hodi bele redus
malnutrisaun.
“Husi
produsaun sira ne’ebé iha, sei krese ita nia ekonomia, kuandu ita nia ekonomia
di’ak signifika katak malnutrisaun mos tun ona, ita nia oan sira kuandu ba
eskola sira mos matenek tanba nutrisaun di’ak, tanba mai husi hahan ne’ebé
transforma sira nia isin, sira nia hanoin, ne’ebé ita prepara antes, para
depois sira bo’ot hanesan ita sira maka kontinua maibe tenke ho hahan di’ak
para bele forma sira nia kakutak” Sekretariu Estadu
Kooperativa, Arsenio Pereirra da Silva, dehan.
Esperasa bo’ot
katak fore mungu ne’ebé koileta bele hasa’e rendimentu ekonomia familia nian, no
mos bele hasa’e nutrisaun ba inan no labarik sira.
“To’os
ida ne’e bele ajuda familia sira atu han ai han oi-oin no hau hein katak fore
mungu bele lori ba fa’an no investe fila fali ba uma laran liu husi nutrisaun,
saude no edukasaun, projetu ida ne’e enkoraza no suporta familia sira atu kuda
ai han oi-oin ne’ebe iha protein no micro nutriente”
Diretór Nasional World Vision Timor-Leste, Jared Berends informa.
Sekretariu Munisipal Asuntu Administrasaun Finansas, Alberto Moniz
de Araújo, husu ba komunidade sira atu kontribui ho
hatak Covalima.
“Ha’u
hakarak atu fo hatene mos ba ita bo’ot sira, Covalima atu sai agrikultor ida
ne’ebé matak, xave agrikultura, rai sira ne’ebé toba atu hader fila fali, ne’e
nia xave iha agrikultura, ita iha trator sira ne’e maka sei halo rai sira ne’e
hader fila fali, mina gratuita ona, komunidade sira sei hakarak tan saida,
tanba ne’e maka hanesan autoridade atu fo hanoin de’it ba ita bo’ot sira atu
loke liras ba malu, fo liman ba malu servisu, liliu to’os na’in sira, ohin ita
halo ona lansamentu ba koilleta fore mumgu seidauk halo lansamentu tan iha
fatin sira seluk” Sekretariu Munisipal Administrasaun Asuntu
Finansas Munisipiu Covalima, Alberto Moniz de Araújo, Dehan.
Word Vison organiza atividade koilleta fore mungu ne’e liu husi
projetu ai-han di’ak no saude di’ak maka atu hadi’a labarik no familia sira nia
estatuto nutrisaun, no projetu ida ne’e realiza tanba suporta husi governu
Australia.
Jornalista : Julio
Salinas
Editor : Chamot Nahac
