.png)
Sorumutu ho PAM ne’e
atu introdus Servisu Konsellu Imprensa nian, papel media no jornalista nian ba
autoridade hodi bele kria servisu hamutuk di’ak liu tan entre media lokal ho
autoridade sira hodi garantia informasaun ne’ebé Kredibel.
“Iha
enkontru ne’e Prezidente Autoridade Munisipiu hatete katak kordenasaun entre
media durante iha Covalima la’o di’ak tebes, importante liu bele sosializa lei
komunikasaun sosia, kode etika jornalismu, sosiedade iha ne’e bele intende
didi’ak papel medi’a nian, tanba dala ruma ita hakarak atu lori jornalista ba
tribunal karik ho produtu sira ne’ebé ita nia forntes informasaun sira ladun
aseita dalan ikus ba iha tribunal, maibe konsellu imprensa ohin informa ba PAM
katak kuandu informasaun sira ne’ebé ladun aseita ita halo retifikasaun tuir
lei komunikasaun sosial, kuandu retifikasaun ne’e maka nafatin laiha solusaun KI
prontu tuir lei bele sai mediador ba disputa ka problema ne’ebé akontese entre
parte rua ne’e”
“kordenasaun
di’ak tebes ho autoridade sira iha Covalima no sira husu importante maka
sosializasaun ba lei komunikasaun atu nune’e ita nia sosiedade ka ita nia
publiku bele intende di’ak no husu para media iha Covalima bele servisu lao
tuir lei komunikasaun sosial no tuir kode etika jornalismu nian ”
Konselleru Amito Qonusere Araujo, informa ba jornalista sira hafoin remata enkontru
ho PAM Covalima Miguel Armada Cardoso “Razão”.
Prezidente
Autoridade Munisipiu Covalima Miguel Armada Cardoso “Razão” Agradese ba iha
Konsellu Imprensa ne’ebé bele mai iha Covalima hodi partila informasaun nune’e
hodi bele fo hanoin ba autoridade sira iha Covalima kona ba kolaborasaun
servisu entre media ho autoridade.
“Asuntu
ne’ebé ohin sira mai ko’alia kona ba regras hirak ne’ebé maka ezekuta iha
munisipiu liliu konaba konsellu imprensa nia servisu atu iha kolaborasaun servisu
ne’ebé di’ak, sira husu katak iha kolaborasaun entre media hamotuk ho
autoridade sira lao di’ak ka lae, ho hirak ne’e asuntu sira ne’ebé mensiona
daudaun katak iha prezidente autoridade munisipiu ho nia estrutura tomak durante
ne’e ami halo kolaborasaun servisu ne’ebé di’ak no ami mos husu agradese katak
liu husi media sira bele ami hadi’a an hodi nune’e ami fiar an, media sempre
buka lia loos, buka hatene ami nia servisu hirak ne’ebé la’o inklui hare mos
ami nia sala ruma ne’ebé ami implementa iha munisipiu, ami agradese ba media katak
ho media maka bele hadi’a an” PAM Covalima,
Miguel Armada Cardoso (Razão) dehan.
“ami
mos fo hanoin ba iha media liliu ba iha konsellu imprensa katak presija iha
desiminasaun informasaun ruma liliu ba iha autoridade mos ba iha sosiedade, ba
iha Administrador Postu Administrativu sira no mos ba iha lideransa komunitaria,
tanba dala barak mos autoridade sira ladun intende didi’ak konaba servisu media,
bele partila informasaun sala no bele lori media sira ba iha tribunal tanba ida
ne’e maka presija informasaun klean ba sira”
informa Prezidente Autoridade Munisipiu Covalima Miguel Armada Cardoso “Razão”.
Hafoin remata
sorumutu ho PAM, Konsellu Imorensa liu husi Konselleru, Amito Qonusere Araujo, kontinua
hala’o sorumutu ho Jestor Radio Comunidade Cova Taroman (RCCT) no mos Jornalista
no mos Jornalista Lokal sira inklui
Jornalista husi Media Nasional sira ne’ebé destaka iha Muninsipiu Covalima hodi
halo diskusaun konaba dezafiu no progresu servisu media nian iha Covalima no
mos oinsa partisipasaun media ho kobertura media iha Munisipiu Covalima.
Jornalista sira ne’ebé partisipa iha enkontru ne’e maka Jornalista sira husi
Media Lokal hanesan, Radio Comunidade Cova Taroman, Suai Post, Covalima News,
inklui Jornalista RTTL, Ep mak destaka iha Munisipiu Covalima.
Jornalista
: Julio Salinas
Editor : Chamot Nahac
