Xefe Lalawa Jefrino Jefrino de
Richman hatete Timor-Leste hetan independensia duante tinan 25, komunidade sira
sei menus atu asesu ba fasilidade saude, liu liu iha Postu administrativu
tilomar sei infrenta professional saude atu fo tramentu ba komunidade sira.
"Ita hare
dezenvolvimentu, iha parte saude nian liliu membru ka pesoal saude sira ne’ebé
destaka iha Postu Saude Lalawa la sufsiente, tuir ha’u nia hare kondisaun fatin
mos seidauk di’ak, maibe ha’u hanesan lideransa komunitaria koko para komunika
ho pesoal ka dirijente sira iha Postu Saude atu nune’e karik iha oportunidade
liu husi orsamentu Programa Nasional Dezenvolvimentu Suku nian iha, ita koko
para atu hadi'a ka fornese nesesidade ne’ebé maka iha liliu ba infrastrutura
hanesan kondiaaun postu liliu ba edifisiu uza hodi halo atendimentu ba
komunidade bainhira hetan moras mai konsulta, durante ne’e atendimentu pesoal
saude iha postu saude ne’ebé maka iha h’au nia suku laiha problema atendimentu
normal, so problema ka preokupasaun ida maka kondisaun balu ne’ebé presija
aumenta maka rekursu no hadi’a nia kondisaun, konaba atendimentu pesoal saude
sira nian ba komunidade bainhira ba halo tratamentu di’ak” Nia dehan.
Sorin seluk Daniel Cardoso
hanesan sidadaun Tilomar oan rekomenda ba governu liliu ba Ministeriu Saude atu
tau planu hodi rezolve problema ne’ebé povu preokupa konaba fasilidade saude
balu iha Tilomar ne’ebé sei menus rekursu.
“Parte saude tuir ita nia
hare sei menus maka rekursu, tanba foin lalais ita iha kontratadu maibe ho
mudansa governasaun foun hapara tan ne’e maka menus rekursu, tan ne’e husu
governu atu halo rekrutmanetu foun nune’e hodi bele kompleta fasilidade saude
sira ne’ebé iha nivel postu ba to’o aldeia sei menus rekursu” nia
hatete
Enkuantu relasiona ho menus
rekursu iha Postu Saude, Xefe Suku Lalawa, Jefrino de Richman kompromete sei buka
meus hasoru malu ho dirijente postu saude Lalawa hodi buka meus resolve situasaun sira ne’ebé dadaun
ne’e akontese iha Postu Saude Lalawa tanba ida ne’e iha realasaun ho ema nia
vida.
Jornalista : Julio Salinas
Editor : Chamot Nahac
