SPD LOKAL HALA’O ENKONTRU KORDENASAUN HO LIÑA SEKTORAIS NO PARSEIRU DEZENVOLVIMENTU, IHA POSTO ADMINISTRATIVO FOHOREM
Xefe Seksaun Planeamentu Dezenvolvimentu
Lokal Ruben do Rego Alves hatete objetivu enkontru atu asegura implementasaun ba
programa hotu-hotu iha baze hodi evita dupla implementasaun programa entre liña
ministerais no parseiro dezenvolvimentu sira.
“Hanoin inkontru ida ohin importante
para atu bele halo konsultasaun ligadu ho programa sira ne’ebé mak ita nia
parseiru sira iha, para nune’e ita bele hare hamutuk programa saida mak ita nia
parseiru sira iha, hodi nune’e bele antisipada ba implementasaun tuir mai la
iha dupla, tanba ne’e mak iha fase ida
husi sesaun ida ne’e importante tamba bele iha atu kuñese di’ak liu tan konaba
seksaun planeamentu dezenvolvimentu lokal nia prezensa I mos partisipasaun ita
nia parseiru sira iha ne’e para atu nune’e ba oin servisu integradu didi’ak ba
iha ita nia postu, liliu ba iha ita nia Postu
fFohorem ne’e rasik” hatete Xefe Seksaun Planeamentu Dezenvolvimentu
Lokal, Ruben do Rego Alves. Iha salaun Administrasaun Postu Administrativu Fohorem.
Kuarta (09/10)
Iha fatin hanesan, Administrador
Postu Administrativu Fohorem, Delfim Amaral Ferreira informa, ho enkontru atu
desidi hamotuk ho parseiru sira konaba dezenvolvimentu iha Postu Fohorem ba
tinan 2025.
“Ohin ami enkontru ho ita nia parseiru sira
ne’e atu ko’alia konaba ami nia futuru iha postu ida ne’e, ho ida ne’e ami halo
planu ho parseiru sira atu halo ami nia planu sira ne’e hodi prepara hein ba
iha tinan 2025 nian ho ida ne’e ami entrega planu ne’ebé mak ami iha, ami fo
ita nia parseiru sira no mos fo ba governu sira hodi nune’e sira bele
identifika ida ne’ebé mak sira bele halo iha tinan 2025” Administrador Posto administrativo
Fohorem Delfim, Amaral Ferreira, dehan.
Entretantu enkontru kordenasaun
ne’e be halao iha salaun Administrasaun Postu Administrativu Fohorem
ne’e partisipa husi Autoridade sira husi Suku hat, Ekipa PNDS no mos Ajensia
sira mak hanesan, World Vision, IOM ,CRS ,CVTL, ARS, PN-BE’E TL, HAMNASA .
Jornalista : Alfredo Barreto
Editor :
Chamot Nahac
