Prezidente ARKTL, Prezaldo Ximenez dehan liu
husi Formasaun ne’e atu prepara radio komunidade sira atu pronto ona hasoru
mundu dizitalizasaun hodi halo intrevensaun ba informasaun sira ne’ebé
bele konsidera lalos hodi hamonu ema
seluk nia dignidade.
“Objetivu principal husi formasaun ne’e atu
hakbit kapasidade husi jornalista radio komunidade sira, oinsa sira bele servisu,bele
identifika, verifika informasaun ne’eb”e falsu ka hoax, depois bele halo
publikasaun liu husi sira kanal radio komunitariu. Formasaun ida ne’e mos atu
bele ajuda radio komunitariu bele fo informasaun ida ne’ebé ke los ba
sosiedade, tanba agora ita hatene katak informasaun sira ne’ebé fo sain iha
sosial media, ema barak hetan influensia maka’as husi lor-loron sira hare iha
sira nia smart phone, dala ruma sira simu tomak deit, seidauk senti informasaun
ne’e los maibe sira fahe tutan deit, hodi hamosu bulling no hamosu ema seluk
nia dignidade” Dehan
Prezaldo Ximenes.
Xefe Ekipa Monitrorizasaun DNDI-SEKOMS, Xisto
da Costa, ne’ebé motoriza atividade formasaun ne’e hatete Governu liu husi
SEKOMS iha ona Planu asaun anual ne’ebé aponta iha Diresaun Nasional
Desiminasaun Informasaun (DNDI) atu apoiu asosiasaun jornalista sira ne’ebé
existe iha timor leste atu halo formasaun ba juventude no jornalista sira atu
bele hatene kobate hoax iha sosiedade nia let,
“Atu Apoiu kada Asosiasaun sira ne’ebé iha,
hanesan AJTL, UPJTL, ARKTL no TLPU, atu sira fo formasaun ba komunidade sira,
jornalista, estudante sira atu hetene oinsa
kombate Hoax iha sosiedade nia let, ida ne’e mak importante liu aponta
iha planu asaun annual SEKOMS” Xisto relata.
“SEKOMS-DNDI hakarak hato’o ba Radio Komunidade
sira hotu katak, kada informasaun sira ne’ebé iha. Di’ak liu investigativu para
hatene liu tan kronolojia, tanba ita bo’ot sira mak besik liu ba komunidade. Sekarik
lia fuan hoax mak sai husi ita bo’ot sira ne’e iha ninia influensia ne’ebé bo’ot
ba komunidade sira, tanba ne’e radio komunidade sira nia notisia ne’e tenki investigative” Xisto afirma.
Xefe Suku Maubisse Vila, Wilson Nivio Maria
Perreira Mendonça, manisfeta, jornalista radio komunidade sira tenki iha kuñesimentu
ne’ebé di’ak liu hodi kombate informasuan lalos ka hoax. Tan ne’e nia dehan ba
radio komunidade sira tenki fo informasaun ida ne’ebé ba kualidade para
komunidade sira konsume informasaun ida ne’ebe los no kredivel.
“Formasaun ida ne’e importante tebes para bele
hasa’e kuñesimentu jornalista sira iha radio komunidade atu sira bele iha kuñesimentu
diak hodi transmite informasaun ne’ebé los atu nune’e komunidade bele consume informasaun
ho diak no lolos tuir saida mak akontese iha suku, postu to‘o iha nivel aldeia” Dehan Xefe Suku Nivio.
Formasaun ne’e hala’o ho etapa tolu ba radio komunidade sira ne’ebé iha etapa dahuluk hala’o ba radio komunidade sira iha parte sul mak kompostu husi Radio Komunidade Cova Taromana Suai, Radio Komunidade Ainaro, Radio Komunidade Same, Radio Komunidade Maubisse Mauloko, Radio Komunidade Rai Husar Aileu no Radio Komunidade Turiskai. Engkuantu formasaun etapa dahuluk ne’e realiza iha Sitiu Turizmu Komunitariu Rabilau, Maubisse.
Nune’e mos formasaun hanesan sei kontinua hala’o
iha Bukoli Baucau ba Radio sira ne’ebé lokaliza iha Parte Leste, tuir fali sei
hala’o Iha Dili ba Radio Komunidade sira husi Ermera, Likisa, Maliana, Oecusse
no Dili.
Jornalista : Moichung
Editor : Chamot Nahac
