Xefe Unidade EDTL. Ep Munisipiu
Covalima Anorito Mendonça, dehan ema deskoñesidu tuda kareta estadu ne’e
bainhira tekniku sira ne’ebé pikete kalan tun ba iha terenu hodi hadi’a liña
eletrisidade ba avaria iha Suku Ogues,
maibe to’o iha Aldeia Foho-Rua ema deskoñesidu tuda rahun tiha kareta nia vidru.
“Ema deskonesidu tuda
kareta EDTL iha hori kalan iha oras tuku
12:10 wainhira ekipa tekniku pikete sira ba atende avaria ka ahi mate, sira ba
hasai desloka CO prontu sira fila mai hetan asidente ema deskoñesidu tuda
kareta nia vidru rua maka rahun total, tanba ne’e ohin dader ami konfirma ona
ba iha Komandu PNTL Munisipiu Covalima” informa Xefe Unidade EDTL. Ep
Munisipiu Covalima Anorito Mendonca.
Komandu PNTL Munisipiu Covalima konfrimadu
simu ona kaixa husi EDTL, EP Covalima konaba ema deskoñesidu ne’e tuda rahun Vidru
kareta operasional EDTL,E. wainhira ekipa teknika sira uza hodi halo atendimentu
ba liña eletrisidade area suku egues, nune’e dadaun ne’e Membru Polisia sira
hahu buka tuir autor hirak ne’e.
“Konfirmadu duni katak ita
nia maluk sira husi EDTL.Ep ba atende kazu balu iha area Ogues tan de’it ahi,
depois sira atraves ho ema deskoñesidu sira nia asaun konsege harahun vidru rua
ba iha kareta ne’ebé husi EDTL, Ep Munisipiu Covalima, prosesu ida ne’e agora
iha ita nia liman ona no ita rejista ona, ita husu ona funsionariu EDTL.Ep
liliu ba pesoal sira ne’ebé hala’o servisu iha tempu kalan hein katak ita bele
aprezenta hela ba iha Ministeriu Publiku, depois ita mos tenta hela antes
dilijensia ne’e mai ita presija halibur uluk dadus” Komandante informa.
Ema Deskoñesidu tuda rahun vidru kareta
Operasional EDTL, E.P Covalima ne’e iha
loron 14 fulan Outubru 2024 hale’u oras tuku 12 iha Area Foho Rua, Suku Ogues,
Postu Administrativu Maukatar wainhira tenkniku sira halo atendimentu ba avaria
liña enérjia elétrika iha área refere.
Jornalista : Julio Salinas
Editor : Chamot Nahac
