.png)
Vitima
Domingos de Fatima konta, dadersan, sai husi uma iha Salele ho nia maun lori
motor ida tula na’an karau ba merkadu Ladi Suai, hafoin ba hatun tia nia maun
iha iha merkadu Ladi, fila mai to’os iha Area Lo’okeu, Suku Debos mak foin hetan
tuda no tiru ho kilat manu husi ema deskuñesidu.
Nia
hasara tan depois hetan tuda kona nia ain sorin, rona lian tarutu kona nia liman
kelun (Braço) sorin karuk, nia konsege halai aselera ho motor hodi buka ajuda
no fatin seguru, maibe juven deskuñesidu sira nafatin duni tuir ho motor Mio
Beat kuaze hat, hafoin to’o iha area lakonak mak Vitima Domingos husu ajuda ba
komunidade sira hodi salva nia no bolu nia maun iha merkadu Ladim ai tula lori
ba komandu polisia Covalima hafoin kontinua ba halo tratamentu ba nia kanek iha
sala emerjensia ospital referral suai hal’u oras tuku sia liu.
“Ha’u fila husi merkadu ne’e jam 4:30 ba to’o
iha fatin ne’e primeiru sira tuda no kona
ha’u nia ain entaun ha’u hakfodak pois fatuk ida korta husi ha’u nia oin
ida liu husi ha’u nia kotuk ha’u toba tun ba motor, ha’u gas, hakfodak taruru
iha ha’u nia braço no ha’u mos la hanoin kilat manu, ha’u ba deit to’o iha ema halo festa ne’e ema barak los ha’u
nia hanoin ema atu tuda tan ha’u
entaun ha’u liu sira bolu tuir
nafatin ba to’o iha busakukun ne’eba mos joven lubuk ida tahan nafatin ha’u
sira hodi motor mio beat ha’at hanesan
ne’e, sira tahan dehan para ha’u mos trauma ho ida ne’e ha’u gas motor ba liu
to’o iha Lakonak sira konsege duni nafatin ha’u no hau para husu ajuda ba Apa
ida nia sai mai mak sira hetan Apa ne’e sira fila fali entaun ha’u mos hasai
jakete ha’u hare ba kanek depois Apa ne’e foti tia du’ut mutin ne’e hodi taka
tia kanek ne’e hare fali ba faru ne’e la’os fatuk nia fatin ne’e hanesan kilat
manu nia fatin, ha’u senti labele ha’u deskansa iha ne’eba Apa nia oan mane
ne’e ba hatete fali ba maun sira iha merkadu sira fila mai maun ba foti ha’u
mak ami ba kantor polisia poin mak polisia sira lori ha’u mai iha hospital”
Vitima Domingos de Fatima de Andrade pires konta tuir
hikas akontesimentu ne’e.
Dotor
iha sala emerjensia ospital suai, Carlos Cardoso Martins, relata, simu pasiente
Domingos husi PNTL Covalima iha oras tuku sia liu minutu hat nulu resin rua
oras timor leste hodi fo tramentu ba kanek ne’ebe Domingos hetan maibe iha ejaminasaun
professional saude sira la deteta kilat musan iha Vitima Domingos nia liman
kelun (Braço) parte karuk maibe Domingos nia kondisaun di’ak.
‘’ami hetan pasien ida mai iha emergensia ho PNTL
oras tuku 9:42 otl dadersan, nia refere hetan tiru ho senapan hetan kanek iha
nia braço karuk, depois nia kondisaun d’iak, ami foti ona nia asistensia mediku
iha servisu fatin, kondisaun diak, ne’ebé ami fo tratamentu pois ami halo tramentu ne’e la hetan kilat musan iha laran”
hatete Carlos Cardoso Martins, esplika
Entretantu, tuir
ejaminasaun ne’ebé Profesional saude sira hala’o iha sala emerjesia ospital referral
suai, fo rejultadu katak, Vitima ka pasiente Domingos iha kondisaun di’ak, nune’e
autoriza fila ba uma. Engkuantu to’o notisia ne’e lansa, Jornalista sira
seidauk halo konfirmasaun ho autoridade siguransa hodi hetan informasaun.
Jornalista : Alfredo Barreto
Editor : Chamot Nahac
