Prezidente Re-eleitu
Asosiasaun Feto Halibur Koba-Lima (AHFKL), Maria Fatima hatete, ho konfiansa daruak ne’ebé fo ba nia sai hanesan Prezidente
Asosiasaun Halibur Feto Koba-Lima, maka durante mandatu sei tau programa
prioridade hodi halibur feto potensial sira atu hola parte iha implementasaun
dezetralizasaun Poder lokal.
“Ho mandatu ba dalaruak nian horisehik hetan konfiansa
nafatin hodi eleitu sai nu’udar Prezidente Asosiasau Feto Coba-Lima, ami nia
programa prioridades maka ami sei
Prepara feto sira hodi hein dezentralizasaun Poder lokal nian mai mak ami sei
halo sosializasaun ka treinamentu ba feto maluk sira iha Postu-Postu, ami mos
sei fahe informasaun ba iha feto maluk sira iha postu-postu atu nune’e feto
maluk sira hodi hatene lala’ok dezentralizasaun poder lokal nian atu sira bele
prepara sira nia an atu bele kompete” Prezidente AHFKL Maria
Fatima, hateten.
Diretór Nasional
Dezenvolvimentu Igualdade Jeneiru, Jose do Rosario de Carvailho heteten kada
tinan Sekretaria Estadu Igualdade tau osan iha fundus transferensia publiku
hodi hakbit feto iha nivel ekonomia.
“Mekanismu fundus transferensia publik ho mekanismu
rotativa atu fahe informasaun ba ita nia kongresista sira, ita nia lideransa
komunitaria sira Autoridade lokal iha nivel Munisipiu sira inklui ita nia
asosiasaun feto sira atu sira bele hatene no apar didi’ak konaba asuntu
mekanismu fundus transferensia Publik ne’e
rasik, tanba kada tinan parte Sekretaria Estadu Igualdade (SEI) sempre tau
orsamentu fundus trasferensia publiku
hodi hakbit partsipasaun feto iha nivel ekonomia, tanba ne’e maka atu fo hanoin
katak papel husi asosiasaun feto, lideransa komunitaria inklui mos kolega
funsionariu publiku husi Sekretaria Estadu Igualdade ne’ebé mak destaka iha
Munisipiu Covalima atu servisu no kolaborasaun ho sosiadade sivil inklui mos
autoridade lokal sira oinsa atu asegura no hatene ideia k’nar ida idak nian
hodi fahe informasaun ba ita nia grupu sira ne’ebé hakarak atu hatene k’lean,
tanba ida ne’e fundus ne’ebé ita bolu naran fundus transferensia publiku ho
mekanismu rotativa entaun ita tenki fahe informasaun ne’e ba iha asosiasun
sira” heteten Diretor Nasional Dezenvolvimentu Igualdade
Jeneiru, Jose do Rosario de Carvailho
Iha Kogresu datoluk
Asosisiasaun Halibur Feto Koba-Lima ne’e Abansa ho pakote tolu ne’ebé
kogresista sira Pakote Maria Fatima, mak sai manan na’in ho votus 67, no pakote Agustinha Lopes, hetan votus 14, Pakota Antonia de Jesus hetan votus 41, iha eleisaun ne’e iha votus Nulu ida. Engkuantu
Total kongresista hamutuk ema na’in 123.
Entretantu Kongresu
ba Datoluk Asosiasaun Halibur Feto Koba-Lima ne’e abertura Kinta horsehik husi Sekretária
Estadu ba Igualdade, Elvina Sousa Carvalho hamutuk ho segundu Vise Sekretaria
Meja Parlamentu Nasional, ne’ebé Reprezenta Grupu Feto Parlamentu Timor Leste (GMPTL-Sigla
Portuguesa), Bendita Moniz Magno, Deputada Maria Rosa de Camara (Bisoi),
hanesan mos membru GMPTL, Reprezentante Prezidente Autoridade Munisípiu
Covalima, Alberto Moniz de Araújo, Atual Sekretáriu Munisipal Administrasaun no
Finansas, akompaña mós husi reprzentante Diretór Jeral SEI, Maria Filomena Babo
Martins, atual Diretora Nasional Relasaun Publika no Media.
Jornalista
: Moichung
Editor
: Chamot Nahac
