Nune’e Sekretariu
Estadu Komunikasaun Sosial (SEKOMS), Expedito Dias Ximenes husu ba Jestor Radio
Komunidade sira atu utiliza osan povu nian ho responsavelidade hodi garantia informasaun
to’o ba komunidade sira.
“Ohin atu
asina ne’e osan povu nian, tanba imi ekipamentus balun seidauk di’ak balun at, balun presija aumenta, osan sira ne’e transfere ba iha imi nia konta, tenki uza didi’ak, labele ba tia atu uza lori
sosa ekipamentu, imi uza lori sosa fali motor, telefoni no ba pasiar fali ne’e labele” dehan
SEKOMS.
Diretór Jeral
Administrasaun, Prezidensia Konsellu Ministru (PCM-Sigla Portuguesa), Pedro Mário
Exposto Feno, Hatete iha kontratu ne’ebé selebra, Governu liu husi SEKOMS ne’ebé
Tutela iha Prezidensia Konsellu Ministru apoiu orsamentu ne’e ba verba
ekipamentu transmisaun nian.
“Oporunidade
ida ne’e atu hare liu ba kestaun tekniku nian ba ekipamentu sira ne’ebé ita atu
mellora di’ak liu tan, ita hatene katak kontratu wainhira ita selebra, ita mos
tenki hatudu ita nia responsablidade, ita tenki hatudu ita nia obrigasaun,
katak waihira ita kontratu iha rubriga ida ita labele halo fali alterasaun ba
rubriga seluk ke lolos ne’e nia la konsta iha kontratu, ne’ebé ita hotu tenki kumpri, karik iha
difikuldade ruma bele hato’o karta mai iha SEKOMS atu nune’e bele hare, tetu no
desidi, ha’u hanoin ohin loron ita hala’o akordu ida ne’e ita tenki hatudu ita
nia responsablidade no tekniku sira sei halo akompañamentu ba ita nia ezekusaun” Diretór
Jeral Administrasaun PCM, Pedro Mário Exposto Feno, esplika.
Radio Komunidade
sira ne’ebé Hetan Apoiu fundu Sosa Ekipamentu FM Transmittes mak hanesan; Radio
Comunidade Cova Taroman-Suai, Radio Komunidade Maubisse Mauloko, Radio
Komunidade Iliwai Manatutu, Radio Komunidade Lospalos Fox Populy, Radio Komunidade
Povu Viqueque, Radio Komunidade Maliana, ne’ebé kada estasaun Radio Komunidade ida hetan montante osan hamotuk Dolar Amerikanu rihun hat ($ 4,000.00).
Nune’e mos Radio Komunidade sira ne’ebé hetan apoiu fundus sosa STL Link set (Transmitter
& Receiver) mak hanesan; Radio Komunidade Rai Husar Aileu, Radio Komuniade
Atoni Lifau no Radio Komunidade Kafe Ermera, ne’ebé kada estasaun radio hetan
montante osan hamotu rihun nen atus tolu sanulu resin hat ( $ 6,314.00).
Entretantu Tinan
ne’e Governu liu husi SEKOMS ne’ebé Titela iha Prezindesia Konsellu Ministru
(PCM-Sigla Portuguesa) estabelese tan Radio Komunidade foun rua, estasaun ida iha Munisipiu
Maliana maka Radio Komunidade Balibo Five no ida seluk iha Munisipiu Manatutu
maka Radio Romunidade Laklubar ho montante osan hamotuk rihun sanulu resin nen
($ 16,000.00)
Jornalista :
Moichung
Editor :
Chamot Nahac
