.png)
Sekretariu
Asunto Sosial no Organizasaun Komunitaria. Filomeno Cardoso, konsidera servisu ne’ebé
durante ne’e ONG HLT hatudu rezultadu pozitivu hodi apoiu iha area agrikultura
ninian.
“Ha’u
agradese ba HLT ne’ebé kopera hamutuk ho governu liu husi GASC hodi kria
atividades ida ohin ne’e, parte ida ita bo’ot sira prense no hola ona parte iha
dezenvolvimentu agrikultor ninian. Ohin loron HLT hala’o ona atividade, iha
fulan hirak liu ba ho fundus rasik ne’ebé ohin temi ona, husi hirak ne’e maka
bele kria kampu traballu ba iha ita nia suku rasik ka ba ita nia nasaun rasik” informa
Sekretariu Asunto Sosial no Organizasaun
Filomeno Cardoso.
Diretór
Ezekutivu ONG HLT, Cipriano Menezes, hatete atividade kolleta Paketa no apoiu
makina mini tiller ba grupu Finu Uman no Grupu Hadi’a Moris tanba hetan apoiu
fundu husi Governu liu husi GASC hamotuk dolar amerikanu rihun sanulu resin
lima ($ 15,000.00).
“HLT
wainhira realiza nia atividade lansamentu ne’e
tanba HLT hetan apoiu fundus ho montante dolar Amerikanu rihun sanulu
resin lima ($ 15.000,00) ne’ebé apoiu ba programa pursentu sia nulu resin tolu (93%)
no apoiu ba Administrasaun iha pursentu hitu (7%), fundus apoiu programa
pursentu 93% ne’e sosa mini tiller 2 hodi apoiu ba grupu hHadi’a Moris iha
Aldeia Fau Laran, Apoiu mini tiller ida seluk ba iha Grupu Agrikultor Fini
Uman, iha Aldeia Manekin, Suku Kamanasa, inklui mos apoiu irigasi turuk no mos
halo instalasaun bee ho tore, instalasaun ahi hodi apoiu grupu sira nia
atividade, manutensaun ba makina sira ne’e, ba futuru responsabilidade grupu
sira rasik, la’os ona HLT, tanba sira iha ona fundus, organizasaun kontinua fo
asistensia teknika, kontinua la’o la husik sira mesak”
Diretór ONG HLT Cipriano Menezes dehan.
Xefe
Grupu Hadi’a Moris, Guilermino Freitas konsidera ho apoiu ne’ebé HLT fo bele
ajuda hodi hamenus servisu todan ba membru grupu sira.
“Grupu
Hadi’a Moris sente orgullu tebes ne’ebé organizasaun HLT fo apoiu makina mini
tiller mai ami grupu ida ne’e, ne’ebé ho ajuda ida ne’e agradese tebes ba HLT
tanba sira bele tulun hodi hakman ona ami nia servisu ne’ebé todan, tanba
durante ne’e grupu hala’o servisu uza manual deit maibe ho sira nia apoiu bele
hakman ona grupu nia servisu liu husi instala irigasaun turuk no ho apoiu makina
mini tiller ne’e grupu la hasai tan ona osan barak hodi fila rai”
Xefe Grupu haktuir.
Enkuantu
HLT hanesan parseiru governu liu husi Gabinete Apoiu Sosidade Civil (GASC)
apoiu fundus ho montante $ 15.000,00 sosa ekipamentu hanesan sosa makina mini
tiller-2, halo instalasaun irigasi turuk no mos halo instalasaun bee ho tore,
inklui instalasaun ahi ba grupu agrikultor rua hanesan Grupu Hadi’a Moris no
Grupu Fini Uman,
Jornalista : Julio Salinas
Editor : Chamot
Nahac
