Xefe Departamentu Jestaun Pesoal
iha MAE, Jaime Taequ
e iha nia
intervansaun hatete atividade ne’e ne’e sempre halo’o kada tinan hodi fahe materia
hanesan ba funsionariu sira.
“Iha biban ida ne’e ha’u
atu dehan deit katak materia ne’e la’os buat foun, maibe materia ida ne’e ita
hala’o ona kada tinan, maibe iha mudansa uitoan kuandu nai sira lee ona dekretu
lei 84 iha ne’eba hatete momoos atu ita presija hatene, tan ne’e lori
ministeriu nian naran liliu husi diresaun nasional rekkursu umanus husu na ita bo’ot
sira atu intende didi’ak informasaun konaba materia ida ne’e” informa
Xefe Departamentu Jestaun Pesoal iha MAE,
Jaime Taeque.
Prezidente Autoridade Munisipiu
Covalima, Miguel Armada Cardoso “Razão”, husu ba funsionariu sira iha atu kumpri
no halo tuir regra sira ne’ebé hatur ona iha dekretu lei numeru 84 no mos diploma
ministerial numeru 85.
“Agradese tanba sa materia
hirak ne’ebé sira lori mai liliu konaba avaliasaun dezempeñu funsionariu
ida-idak nian, funsionariu ida-idak iha ona regras balu ne’ebé hatu’ur ona iha
dekretu lei 84 ba iha munisipiu nian hodi nune’e servisu munisipal ida-idak tau
ona ninia regras no funsaun hirak iha ne’eba mos iha diploma ministerial 85
ne’e hatu’ur momoos katak diresaun ida-idak ka servisu munisipal ida-idak nia
srevisu maka ida ne’eba, sira tau ona iha ne’eba, regras atu ezekuta ka atu
halo servisu ne’e tau ona iha ne’eba, tanba ne’e husu funsionariu ida-idak
tenke la’o tuir ba” informa PAM, Miguel Armada Cardoso “Razão”.
Entertantu materia avaliasaun
dezempeñu ba funsionariu publiku sira iha Munisipiu Covalima ne’e realiza iha
Salaun enkontru Administrasaun Munisipiu Covalima, no hala’o husi Diresaun
Nasional Rekursu Umanus ne’ebé loke husi Prezidente Autoridade Munisipiu
Covalima, Miguel Armada Cardoso “Razão”, no hetan partisipasaun masimu funsionariu
sira.
Jornalista : Julio Salinas
Editor :
Chamot Nahac
