Deputy Programa manager Nutrisaun
CRS Dirce Marcal Sarmento hatete
atividade evaluasaun ba professor sira konaba programa distribuisaun suplementu
aumenta ran ba feto adolesente hahu husi idade 12 ate 16 iha eskola tarjetu
sira ne’e hodi hatene mudansa hahalok nutrisaun husi estudante sira ne’ebé mak
konsumu suplementu refere.
”Ita nia alvu agora dadaun
tuir inkontru evalusaun ba ita nia manorin na’in sira ne’e no diretór eskola
sira no pesoal saude sira iha nivel CHC sira iha Covalima nian tanba sira mak implementa
entaun ita atu evalua ne’e sira mak evalua sira nia an entaun hanesan ohin ko’olia
konaba inan aman sira karik ida ne’e parte ida atu halo sosializasaun ba inan
aman sira atu nune’e sira bele hatene maibe ita labele evalua inan aman
sira ita evalua programa’’ Deputy Programa manager Nutrisaun CRS Dirce
Marcal Sarmento, hateten.
Diretór Servisu Munisipal Saude
Munisipiu Covalima, Domingos Sequeira informa programa distribuisaun suplementu
ne’e importante ba feto adolesente sira atu aumenta ran no nutrisaun tanba ne’e
husu ba professor sira atu kontrola distribui didi’ak ba estudante sira ne’ebé
ho idade tama ona kategoria adolensente.
‘Ita nia
alin oan estudante oan sira, agora dadauk ba iha masa puper preparasaun ba
masa mesturasaun ba ita nia alin feto
oan sira, para sira labele ataka ho ran menus halo animea tamba iha estudu
barak hatudu ba ita katak ita nia alin feto adolesente sira mak hetan ran menus
barak” informa Director Servisu Saude Munisipio Covalima Domingos
Sequeira.
Alende ne’e Diretóra Servisu Edukasaun
Munisipiu Covalima, Elda de Fatima husu atu suplementu aumenta ran ba feto
adolesente ne’ebé ministeriu saude ho ajensia internasional CRS distribui ba
to’o eskola sira iha area rural nune’e sira mos bele konsumu hodi aumenta ran
no nutrisaun saude nian.
‘Hasa’e nutrisaun liliu ba
ita nia oan feto sira ne’e importante ba sira nia vida moris no atu fo hanoin
deit programa la’o hela maibe ita hare wainhira ita implementa iha kada eskola
karik ita hare mos sira nia orariu, ha’u sempre dehan wainhira saude ka ONG no
pareiru sira mos tama iha eskola ne’eba ha’u sempre hatete dehan katak sira nia
oras mamuk entaun sira nia oras ekstra bele tama atu nune’e labele prezudika
sira nia prosesu aorendizajen’’ Diretóra Servisu Edukasaun Munisipiu
Covalima Elda de Fatima dehan.
Entretantu Baseia ba Dadus husi
Saude Covalima katak total suplementu ne’ebé mak distribui ba feto adolesente
sira iha Covalima, hahu husi fulan Janeiru to’o agora, hamutuk rihun ida atus
lima lima nulu resin ida, ne’ebé kompostu husi eskola targetu rua nulu resin
hitu iha Munisipiu Covalima
Jornalista : Alfredo Barreto
Editor : Chamot Nahac
