Manuel Soares, hatete dadaun ne’e
iha deit ema na'in-4 kompostu husi
Funsionariu permanente na’in 3 no kontratadu na’in 1, maka hala’o servisu
atende ba komunidade sira ne’ebé halo konsulta iha pastu saude Sanfuk.
"Iha ami nia postu
saude ne’e hasoru problema ida konaba rekursu, ami presija, tanba ami iha ne’e
permanente ne’e iha ami na'in-3 de'it no kontratadu na'in-1 hamuruk ami na'in-4
maka iha ne’e, maibe kuandu kontratadu ne’e remata ona sira husi saude munispiu
la fo tan ema mai ami na'in-3 mesak deit, ho problema ne'ebé ami hasoru, hato’o
ona ba iha saude munisipiu" dehan Responsavel Postu Saude Sanfuk,
Manuel Soares.
Manuel Soares, dehan maske menus
rekursu umanu maibe iha postu saude Sanfuk kada loron rejista komunidade na'in
25 ba leten ne'ebé halo konsulta saude, nia mos relata konaba stoke ai moruk
sufisiente iha Postu saude Sanfuk.
"Konaba pasiente mai
konsulta ne’e kada loron ema bele to'o na'in-25 ba leten, menus ne’e maka loron
ida bele rejistu ema na’in-15 lae na'in-10 sira mai konsulta iha postu saude
ida ne’e, no konaba stoke aimoruk ne’e laiha la iha problema tanba ami atu uza
ai moruk hodi halo tratamentu ba pasiente sira ne’e iha hela de’it"
nia dehan.
Alende Postu Saude Sanfuk hasoru
problema konaba rekursu maibe durante ne'e mos hasoru problema ida seluk maka
laiha be, no husi problema hirak ne'e liliu konaba menus rekursu ne’e hato’o
ona ba iha Servisu Saude Munisipiu Covalima. Engkuantu to’o notisia ne hatun
jornalista sira seidauk halo konfirmasaun ho autoridade kompotente.
Jornalista : Julio Salinas
