Nune’e
Sekretaria Estadu Igualdade (SEI), Elvina Sousa Carvalho, hatete, partisipasaun
feto importente iha setor hotu hotu, tan ne’e nia husu ba feto potensial sira atu
prepara an hodi kompente iha Asembleia Munisipal.
“Partisipasaun feto importante tebes iha setor hotu
hotu, liu liu iha setor foti desizaun, tanba ne’e maka kuandu ita ko’alia konaba
feto potensial, ita ko’alia konaba preparasaun ba iha Asemblea Munisipal ne’ebé
mak lei sira iha hotu ona, preparasaun la’o hela, iha lei ba iha Asembleia
Munisipal ne’e agora fila fali ba feto maluk sira atu bele prepara sira nia an
hodi bele hasoru oportunidade ne’ebé mak mai, prepara sira nia an hak’bit an
iha ekonomia hak’bit an iha politika no mos oinsa sira bele hetan konfiansa,
tanba ne’e la’os hanesan bandeja fo deit mais sei ba compete, tanba ida ne’e
maka asosiasaun feto nia prejensa atu bele mos fo apoiu ba iha prosesu ida ne’e
no mos prepara feto maluk sira atu bele hakat ba oin iha prosesu ida ne’e”
Sekretaria Estadu Igualdade (SEI), Elvina Sousa Carvalho
Prezidente
Asosiasaun Feto Covalima, Maria Fatima, relata dadaun ne’e partisipasaun feto sei
menus hodi assume pozisaun iha instituisaun publiku no privada iha munisipiu
covalima.
“Ita atu dehan Pursentu karik, agora daudaun ita bele
dehan ita seidaun to’o 50 % tanba ita hare numeru feto ne’ebé mak iha area
autoridade lokal nian ita iha deit xefe Aldeia sanulu resin, Xefe suku no mos
ita foin mak hetan kargu xefia ka diretóra na’in lima mak iha ita nia Munisipiu
ne’ebé ami la lakon ho ida ne’e ami sei esforsu nafatin para oportunidade mai
desentralizasaun poder lokal kuandu akontese iha Munisipiu feto barak maka sei
kompete atu bele foti kargu importante sira iha ita nia Munisipiu” relata Maria Fatima.
Entretantu
Kongresu Datoluk ba Asosiasaun Halibur Feto Covalima (AHFC), ne’ebé ho Tema
Haforsa Asosiasaun Feto Munisipal hodi Kontribui ba Dezentralizasaun no Poder
Lokal, ne’e partisipa husi Sekretaria Estadu Igualdade (SEI) Elvina Sousa
Carvalho, Membru Parlamentu Nasional Komisaun B, Sekretariu Munisipal Asuntu
Administrasaun no Finansas, Komandante PNTL Munisipiu Covalima no Partisipa
Masimu husi Feto Potensial iha Munisipiu Covalima inklui Ema ho Difisiensia
(EhD) sira
Jornalista:
Moichung
Editor
: Chamot Nahac
