Xefe Sentru Saude, Carlito Sebastião Belo,
hatete daudaun iha numeru kazu moras stomuk maka as liu iha Sentru Saude
Tilomar tuir maka moras me’ar no diarea.
“Moras stomuk no asam urat ne’e kuaze ema hotu
hetan hanesan stomuk fator primeiru ne’e dala ruma servisu kolen, ninia
kondisaun fraku no hanoin barak provoka stres bele hamosu moras stomuk, fator
segundu dala ruma ita han tarde, dala ruma anin maka tama ulu ou konsumu ai
manas, tua no kafe, ne’e maka hodi provoka moras stomuk ne’e as iha ita nia
sentru Saude Tilomar” informa Xefef Sentru Saude Tilomar Carlito Sebastião Belo.
Xefe Sentru Saude Tilomar, Carlito Sebastião
Belo, haktuir alende rejistu moras stomuk sa’e maka’as iha sentru Saude Tilomar
rejista mos moras ISPA ka mear no diarea.
“Moras seluk ne’ebéita rejista maka ISPA katak
moras ne’e mear ne’e ita liga liu ba mudansa klima, ita hare iha tempu malirin
nia bele halo ita nia imunidade ne’e fraku ona nia sempre provoka mear, dala
ruma mos enerjia hahan balun no mos bele
provoka husi moras stomuk ne’e ninia asam lambung ne’e tun ona bele provoka mos
mear, inklui moras diarea ka te ben” nia dehan.
Tuir Xefe Sentru Saude Tilomar Carlito
Sebastião Belo, Sentru Saude Tilomar ne’ebé hahu rejista moras Stomuk numeru as
liu hahu husi fulan Janeiru to’o fulan klaran Outobru tinan 2024 nian, moras
tuir fali maka ISPA no diarea, maibe husi kazu moras hirak ne’e numeru la bele
fo sai tanba Xefe Sentru Saude la dekor
numeru hirak husi tipu kazu sira ne’e.
Jornalista : Julio Salinas
Editor
: Chamot Nahac
