Apoiu ne’ebé HLT fo ba Grupu Fini
Uman Iha Aldeia Manekin, Suku Kamenasa ne’e hanesan motivasaun no hafasil membru
sira atu hala’o atividade kuda modo.
“Ba futuru hau hakarak
habelar tan atividades hortikultura ne’ebé Agora ha’u ho membru
grupu sira halo iha fatin ida ne’e, tanba ami hetan ona apoiu makina mini
tiller ida, ne’e hakman ona ami nia servisu, nune’e ami bele halo atividades
ne’e kontinua sai bo’ot liu tan, durante ne’e ami seidauk hetan apoiu makina
husi HLT ami halo servisu uza manual de’it hanesan enxada, ai suak, no seluk
tan husi materia manual ne’e maka ninia rezultadu beden lubuk ida maka ami halo
ona hodi kuda modo ne’e liu husi esforsu servisu lubuk ida” informa
Tito.
Xefe Grupu ne’e haktuir, durante
hetan kapasitasaun konaba tekniku holtikultura nian husi Ministeriu Agrikultur Pekuaria
Peskas no Floresta liu husi Extensionista sira iha Covalima no mos ONG HLT.
“Durante ne’e husi parte
Ministeriu Agrikultura Pekuaria Peska no Floresta Munisipiu Covalima liu husi
Extesionista no OGN HLT sira sempre apoiu ami tanba ne’e ba oin ami sei habelar
tan atividades hortikultura iha fatin ida ne’e, agora daudaun ami komesa hahu
kuda modo, kankung, pateka no ba oin tanba hare husi fatin sei luan hanoin atu
kuda mos brinjela ho tomati, tanba antes ne’e mos ha’u koko ona kuda tomati ho
brinjela ne’e ba oin ne’e hanoin sei kuda halo barak liu tan” nia
dehan.
Grupu Agrikultur Fini Uman, Lokaliza
iha Parte Audian, Aldeia Manekin, Suku Kamenasa, Postu Administrativu Suai,
Munisipiu Covalima.
Jornalista : Julio Salinas
Editor : Chamot Nahac
