Xefe Suku Ogues afirma Juven sira
ne’ebé hatudu hahalok bandalizmu tuda patrimonia estadu nian (kareta
Operasional EDTL, EP, Covalima) ne’e bele halo barak mak sai vitima. Tan ne’e
nia husu ba Juven ne’ebé tuda rahun vidru kareta ne’e atu intrega an ba
Autoridade suku no Aldeia ka direta ba Autoridade Siguransa sira.
"Liu husi biban ida
ne’e hanesan lideransa komunitaria hakarak rekomenda ba autor ka oknum pesoal
ida ne'ebé komete iha krime tuda kareta estadu ne’e, atu di'ak liu bele
aprezenta an ba ita nia parte seguransa hodi bele halo investigasaun, hanesan
xefe suku sente triste tanba ho atetude ida ne'e halo ema hotu sai vitima, tan
ne'e dala ida tan husu atu entrega an deit duke parte seguransa maka buka
tuir" informa Xefe Suku Ogues Febriano Pereirra.
Xefe Suku Ogues hamotuk lideransa
komunitaria sei servisu hamutuk ho parte seguransa atu buka tuir pesoal ne'ebé
buka harahun sasan estadu nian.
"Di'ak ha’u hanoin ba
kazu ne'ebe akontese iha domingu kalan foin lalais ne'eb’e halo husi oknum ka
individu ida ne'ebé tuda kareta EDTL.ep nian, hanesan autoeidade komunitaria
sente paniku ho triste tanba akontesimentu ida hanesan mos krime kontra estadu
tan ne'e hanesan lideransa komunitaria la satisfa ho ida ne’e, ami nafatin
kopera ho parte seguransa atu bele buka tuir sidadaun/individu ida ne'ebé
hatudu nia attitude ladi’ak hodi estraga transporte liliu ba EDTL.EP halo
servisu ba komunidade" nia dehan.
Xefe Suku Ogues mos informa, liu
tiha akontese ema deskoñesidu tuda kareta operasional EDTL.EP, iha domingu foin
lalais mak rezulta eletrisidade mos mate durante kalan 4 loron 4 nia laran halo
komunidade maka sai vitima no fo impaktu ba iha fasilidade publiku liliu ba iha
Sentru Saude Ogues.
Jornalista : Julio Salinas
Editor : Chamot Nahac
